林盛斌Bob大學鮮肉片出土 濃密頭髮前所未見 大爆本飾演周星馳《少林足球》呢個角色
發佈時間：23:00 2025-04-17 HKT
45歲林盛斌（Bob）是娛圈多仔公，他與太太黃乙頤（Pearl）結婚17年，育有三女一子，分別是16歲大女林霏兒、13歲的二女林熹兒、10歲的三女林機兒以及7歲的孻仔林道申（Jaye），一家六口生活幸福美滿。今日（17日），林盛斌在小紅書上發佈了一段昔日讀大學時的舊片，當中他自爆曾獲周星馳選中參演《少林足球》，更公開自己口甜舌滑溝女的片段，年輕時的林盛斌頭髮濃密，相貌斯文。
林盛斌大學「鮮肉片」曝光
今日（17日），林盛斌在小紅書上發佈了一段昔日讀大學時的舊片，並留言：「長話短說，嗰陣大學二年班，電影《少林足球》公開招募演員，抱住見識吓嘅心態去試吓，跟住俾我過五關斬六將，最後符符碌碌地竟然被周星馳先生睇中咗。所以我就向學校請咗一個禮拜假，去番禺拍戲，客串做一個角色，就係喺沙地嗰場踢波戲，我做流氓隊嗰個隊長（即係跌咗士巴拿嗰個）。但係因為劇組某啲原因，拍過嘅嘢要重新拍過，無奈地我已經要返香港繼續我嘅學業，所以唯有忍痛離開好好玩嘅劇組，而臨走前，我都同星爺致謝同告別。」林盛斌又說：「而你睇緊呢條片，就係我返到學校之後，當時呢一位我暗戀緊嘅女同學，佢用部手機影住我，問我點解咁快返嚟，點解唔拍埋佢先走，跟住我就同佢講咗呢啲嘢………然後，佢有一段好長好長嘅時間都避開我。而家睇返當時嗰個衰樣同埋把聲，真係有啲cam。」
相關閲讀：林盛斌變呷醋外父？16歲大女帶男友見家長惹爆笑留言 拉大隊向汪明荃拜年有驚喜
林盛斌自爆曾獲欽點參演《少林足球》：
林盛斌濃密頭髮放電暗戀對象
影片中可以看到當時正在就讀大學二年級的林盛斌，身穿綠葉圖案襯衫並與友人一起做功課，年輕時的五官及面部輪廓與現時相差不大，模樣多了幾分稚氣，但頭髮卻比現時濃密許多。片中林盛斌暗戀的女同學問：「點解你唔拍完就返嚟？」林盛斌便略帶羞澀地說：「我知機會好難得，但我未做好心理準備。同埋我唔捨得你地，尤其是係你，尤其係你。」全程神情朦朧且眼神放電，溝女招數勁到冇朋友！影片發佈後，不少網民注意到大學時期的林盛斌髮量驚人，紛紛表示：「第一次見有頭髮的bob」、「頭髮都好似畫上去嘅咁」、「點解你宜家係光頭嘅？」
相關閱讀：Bob林盛斌揭曾因太寸嘴被「接放學」圍毆 一度埋怨社會：好多人想你死｜與天地對話
林盛斌越撈越掂：
