中年好聲音3丨譚詠麟愛將終洗脫污名？ 王鄭浚仁被形容「黐線雜技團」表演 肥媽拒絕黃博唱自己的歌

TVB真人騷《中年好聲音 3》明晚（27日）播出長達 2.5 小時的 9 強之戰！本回合主題是「改編歌之夜」，為令觀眾對《中3》9強有更深入的了解及認識，製作組各人安排了單人外景拍攝，相當有心。本集對決相當精彩，9位參賽者中有8位參賽者獲得超過90分，當中不但有人勇奪99分，獲得95分以上的也有四位之多，成績相當亮麗。

張智霖將會擔任評審

《中年好聲音３登峯之戰》將於下月11日在啟德體藝館舉行，繼來自台灣的跳舞天王羅志祥（小豬）擔任快歌評審後，今日公布另一評審的身份，歌手出身的張智霖將會擔任評審，他還為此特意拍攝宣傳片，相關宣傳片將於今晚（26日）在翡翠台黃金時段播出。

相關閱讀：中年好聲音3丨「假音王」因一理由難忍受挫想棄賽？黃博張與辰大戰一觸即發！評審態度出現反差

鄭浚仁獻唱《愛火花》有驚喜：

王鄭浚仁拋下對完美唱功追求

本集對決相當精彩， 最驚喜的表演要數王鄭浚仁獻唱的《愛火花》，王鄭浚仁今次拋下對完美唱功的追求，選擇盡情享受舞台，除與現場伴奏的Live Band玩埋一堆、又唱又跳搞到滿頭大汗，在歌曲結尾部分更以近乎完美飆高音 round up，技驚四座，主持車婉婉一走上台即忍不住讚歎：「佢將屠龍刀倚天劍冚唪唥拎晒出嚟呀，好似年初二放煙花咁。」而一眾評審亦同樣讚不絕口，其中周國豐以「黐線雜技團」形容王鄭的表演：「今次你係飾演咗成個雜技團，但呢個咁黐線嘅表演，你係做足到，你呢個表演值滿分」肥媽：「後面嘅準確度同嗌、同埋最尾嘅 Falsetto（假聲）用真聲去到，呢個真係好難度高，真係要畀啲掌聲隊 Band，因為你畀我哋睇到你哋嘅合作性。」海兒：「你進化咗！我哋一直都知道你係得嘅，但你永遠就係爭嗰少少，你今日全部做到晒，咁高難度嘅雜技畀你完美咁 Execute，賞心悅目，絕！冇嘢好講。」張佳添：「你而家開演唱會呀，咩事呀？帶到啲觀眾 High 晒，我覺得呢個係王鄭浚仁先夠薑去度啲咁嘅嘢出嚟玩，呢條友真係好識唱歌。」潘偉源：「你嘅眼神（同首歌）好夾，非常之好。」

趙浚承憑《霧之戀》洗脫「淨係得個樣」污名

至於趙浚承的《霧之戀》不但同樣為評審帶來驚喜，海兒聽到勁陶醉兼豎晒手指公，並直指今次表演可為趙浚承洗脫「淨係得個樣」的污名。海兒：「呢個係咪你第一個 20 分？你值得嘅，個個都話你係顏值擔當，我覺得好唔公平嘅，你今日係用個心去帶住你把聲同帶住你個樣，先可以唱得出咁高質嘅歌。」肥媽則寄語浚承要對自己有信心：「你那眼中都有我，你真係有呀，你有嗰種火呀，我哋知你做到嘅，但你永遠都收埋收埋。」張佳添：「呢個絕對係你喺《中 3》嘅shining moment，升 key 半度再半度再一度，夠薑，唱到，仲要係好聽咗，個層次出晒嚟。《霧之戀》聽咗幾十年，原來《霧之戀》啲霧可以上到青山嘅。」潘偉源：「真係處理得好好，因為呢首歌真係聽咗好多年，我成日都諗點樣翻出新花樣，而又要合理，你今晚真係做得到。」周國豐：「請你記住你係有實力架，除
咗靚仔。」

相關閱讀：曾志偉72歲生日派對有驚喜！《中年好聲音3》二大人氣王玩對唱 有望跑出成「譚輝智2.0」

大熱門之一張與辰轉玩Sexy風格：

張與辰今次轉玩Sexy風格

大熱門之一的張與辰今次轉玩Sexy風格，以慵懶又有魅力的聲音彈唱《拒絕再玩》，別具個人風格。張與辰事後坦言希望每次站上《中3》舞台，都能帶給觀眾不一樣的感覺：「因為我從來未sexy過，但又冇胸肌所以攞件scarf嚟冚住吓。」車婉婉聞言即以手觸碰張與辰的Scarf，並開玩笑謂：「拉低啲咪得咯。」令獻唱時奔放自如的張與辰忽然變回怕醜仔，場面搞笑。對於張與辰表現，評審可說一面倒正評，出名反應王的肥媽與海兒，在台下聽歌時已忍不住相視而笑兼流露讚歎樣，海兒坦言聽完面紅耳熱：「你把聲好似跳緊脫衣舞咁，可以用聲音做到咁多唔同音色，我覺得可以叫你Ad- Lib王子，好正，真係好少聽歌聽到面紅。」肥媽則笑言聽到「頭赤」：「佢真係唱到不羈嘅感覺，好自然流露出嚟，我覺得任何女人都會畀佢電到。」張佳添則大讚張與辰so talented：「呢個比賽才華值你係最高嘅，彈琴叻彈結他叻，識編曲識作曲，識做音樂製作，快歌慢歌rock歌R&B冇一樣難倒你，你sexy係因為你真係一個好有才華嘅音樂人。」嘉賓評審潘偉源：「其實我真係嚟睇show，好精彩嘅音樂會，你今日係一件好精美嘅樂器。」就連出名百彈齋主的周國豐，亦高度評價，並坦言願意為張與辰今次表現給出20分滿分：「成件事你有少少唱到靈魂出竅，真係唱得好好，你同隻歌已經合而為一…頭先我用咗至少45秒時間，究竟我係畀19定20分你。」

周國豐讚黃博Hi-Fi靚聲

同樣吸引評審給出高分數的還有另一位熱門黃博，雖然黃博台上透露不太敢挑戰《蜚蜚》，皆因擔心自己做得不夠好；不過由於獻唱時游刃有餘、歌聲亦極富感染力，結果獲得一面倒好評，超過一位評審認為要扣黃博分數難到不得了，肥媽更笑言不容許黃博以後唱她的歌：「你知唔知你唱人哋嘅歌，人哋有壓力架，黃博我哋要喺雞蛋裏面挑番嗰一分出嚟知唔知幾鬼辛苦，但點都要減佢多少嘅，因為佢織冷衫都入咗去（final）架喇。你係好投入、好享受你嘅歌，你好有自己。你以後唔好唱我嘅歌呀，唔係偷鬼咗我嘅歌！」海兒：「我哋暫時冇睇到你有駕馭唔到嘅一次，全香港嘅歌手都擔心緊你唱佢啲歌，真係唱得非常之好。」張佳添：「你能夠將呢首歌由microdynamics再去macrodynamics，你簡直帶我哋上山落海，情感好足好澎湃，差唔多perfect。」周國豐：「你今日聲音狀態好好，接近Hi-Fi發燒嗰種狀態，無論感情聲音控制都好好。」