股市造好帶旺氣氛屋苑周末預約睇樓創近半年新高九龍區升勢最急按周增逾8%

更新時間：06:00 2024-10-05
發佈時間：06:00 2024-10-05

受股市造好及內地救市等一連串利好消息帶動，為市場注入強心針，買家重拾入市信心並主動出擊覓盤，本周末指標屋苑預約睇樓量穩步上揚。利嘉閣地產研究部數據估算，全港50個指標屋苑共錄1,210組客戶於周末預約睇樓，較上周的1,160組上升4.3%，連升11個周末，並創下近25個周末新高紀錄。

部分指標屋苑周末預約睇樓量

按地區劃分，港島、九龍及新界三區指標屋苑的周末預約睇樓量兩升一持平，其中九龍區升勢最急，該區21個指標屋苑於周末暫錄390組客戶預約睇樓，按周增加8.3%。

利嘉閣地產昇悅居分行高級聯席董事李啟昌表示，近日股市表現大勇，伴隨早前銀行減息及內地提振樓市政策出台，買家入市意欲增加，帶動本周末長沙灣四小龍預約睇樓量同步上升。然而，發展商推盤力度有增無減，而業主亦趁市況轉好收窄議價空間，雙雙壓抑二手交投增長步伐，預料短期內指標屋苑買賣或呈拉鋸局面。

利嘉閣地產東九龍高級分區董事郭煥然指，踏入減息周期，以致內地「組合拳」催谷經濟政策能有效提振買家信心，加上股市連日造好，而新盤亦順勢魚貫登場，一手暢旺之時亦會為二手市場累積向隅客群，從而帶旺二手交投氣氛，本周末藍田區預約睇樓人數因此增加。

新界區方面，21個指標屋苑本周末暫錄640組客戶預約睇樓，按周上升3.2%。利嘉閣地產天水圍嘉湖山莊分行經理蕭啟諾表示，本周末嘉湖山莊預約睇樓人數亦有所增長。他補充，現時發展商多以「先量後價」方式推出新盤，令二手業主叫價保持克制，未有出現大幅反價情況；再加上銀行減息有助減輕供款壓力，為買家營造入市良機。

至於，港島區8個指標屋苑於本周末暫錄180組客戶預約睇樓，與上周持平。利嘉閣地產太古城分行首席聯席董事林俊傑表示，太古城周末預約睇樓量大致持平，買家積極尋找入市機會，但在一手新盤的競爭之下，二手交投量暫時未有明顯突破。