本地連鎖海味店樓上反擊京東！出po呼籲「香港同業加油！」網民讚靚抽

更新時間：13:21 2025-03-27 HKT
發佈時間：13:21 2025-03-27 HKT

內地網購電商平台巨頭「京東」出強招攻港，除了推出4大港人專屬優惠外，日前更在旺角鬧市及地鐵站以多句「串爆」標語向本地電器舖「挑機」，火藥味十足。不過本地連鎖海味店「樓上」亦不甘示弱，極速發文反擊，大呼「香港同業加油！」，似乎要正面回應京東網購，獲網民紛紛留言大讚「靚抽」及表示支持，即睇內文樓上反擊詳情！

樓上極速發文反擊京東呼籲「香港零售加油！」

內地網購平店京東近日使出多重高調招數攻港，除了有全場貨品買滿¥188包郵直送香港、新用戶註冊可領高達¥600迎新禮券等專為港人而設的4大優惠外，京東日前更落本賣廣告，於旺角鬧市及地鐵站內租下多塊大型廣告牌，以極具火藥味的標語向本地零售商「挑機」，例如「又平！又有售後服務！唔知人哋做唔做到？」、「電器包郵唔係咁易，但京東可以」，並以刪除線方法示意「舖頭賣得貴，因為租金貴」來強調京東沒有貴租的壓力下，有信心「挑戰」全港店舖。

不過，本地海味連鎖店「樓上」亦不甘示弱，在京東推出大型廣告一日後，就極速在facebook專頁發文「反擊」！在帖文的圖片中可見多句回應字句，包括有「香港同業加油！」、「香港APP總有啲嘢網購做唔到！」，同時亦有刪除線方法示意「成層樓咁大嘅招牌唔賣得貴點圍皮？」，以及一隻白色小狗公仔，似乎是「正面回應」京東的大字牌。

同場加映︰京東攻港重本落廣告「串爆」本地電器舖！記者實測格價Dyson風筒包郵價平香港官網$1733

網民讚「靚抽」︰唔係個個識上網買

樓上亦發文籲「香港零售加油！」，表示「喺哩個數碼時代，實體零售依然有無可取代嘅優勢！」，並指「買網購周不時有買錯」，但樓上會重推免費試食，願意帶俾顧客驚喜，「你親身試過，啱食先買，再唔駛怕圖騙或買錯」。另外，樓上亦指「又要等又要提貨」，但樓上就「梗有一間喺左近」，並將會於奧海城開設一間以便利店形式經營的「招牌店」。

帖文引來大批網民留言，有人指店家這次發文是「靚抽」，並紛紛對樓上表示支持，「你哋仲有絕對優勝之處」、「實體店好好多，睇到實物買得開心，唔係個個識上網買」、「開實體店，我每星期都去一至二次，又可以揀心水貨品！」、「支持了樓上有十幾年以上，岩香港人感覺，明碼實價，地點方便四正商廈，裝修乾淨，包裝衛生」、「大家支持實體店，有店員有溫度服務、介紹，網上恐怕暫時做不到」，以及「睇到實貨可安心購買」等。

資料來源︰樓上@fb