油塘「禿頭哥」頸掛風扇大戰解款員 老屈持槍指嚇 再一離譜舉動惹眾怒|Juicy叮
發佈時間:07:01 2023-07-18
![油塘近日發生一宗「禿頭哥」大戰解款員的事件,引發網民關注,當時銀行理財中心因解款員在櫃員機收款,要暫停服務十分鐘,誰料涉事男子竟要硬闖,雙方在銀行門前發生激烈爭執,最後甚至有路人加入罵戰。](https://image.hkhl.hk/f/1024p0/0x0/100/none/c218ee9713b42d01add12b982872fa45/2023-07/20230714_NEWS_bank_S.png)
油塘近日發生一宗「禿頭哥」大戰解款員的事件,引發網民關注,當時銀行理財中心因解款員在櫃員機收款,要暫停服務十分鐘,誰料涉事男子竟要硬闖,雙方在銀行門前發生激烈爭執,最後甚至有路人加入罵戰。
油塘「禿頭哥」大鬧銀行 離譜舉動惹眾怒|足本字幕版↓↓↓↓
涉事的銀行位於油塘大本營商場,記錄事件過程的影片在上周四(13日)起在社交平台熱傳。
涉事男子頸掛風扇,側孭一個大袋,硬要闖入暫停服務的銀行理財中心,當時中心內有3名解款員。
「你依家攞枝槍做乜?」
他表示自己要入去存支票,但有解款員守在門口,請他等10分鐘左右。
但男子即時「發爛渣」,仍強要進入,大喊:「你依家攞枝槍做乜?」似要誣衊解款員持槍指嚇。
「你做你嘅嘢,我做我嘅嘢!」
解款員仍堅守崗位,未有退縮,強調現在解款時間:「我依家唔畀你入嚟!」銀行中心要暫停約十分鐘,之後可如常進入:「我哋依家要做嘢。」
男子仍強詞奪理,硬要進入:「你做你嘅嘢,我做我嘅嘢!」
解款員這時建議男子可報警:「打電話999呀!」「我哋要開(櫃員機)夾萬,你唔可以入嚟!」
「你都嘥咗我五分鐘啦」
男子指「銀行乜嘢時間開門㗎」「邊到有掛牌暫停服務呀」,認為解款員應在銀行下午六時關門後才到來,有解款員再解釋,只需要十分鐘便完成,只是阻一陣。
但男子仍指斥解款員:「你講大話呀,十分鐘!」解款員即反駁:「再講係到嘥時間。」「你都嘥咗我五分鐘啦,係咪呀。」「咁本來做完,就你阻住。」
男子與路人開戰
這時男子意識到有路人在拍片,轉向指罵拍攝者:「你影咩呀你!」
拍攝者亦反駁:「直播緊囉,影緊你啲醜態囉。」拍攝者其後再勸阻男子:「乜你咁㒼塞㗎,你咪去第二度撳囉,第二度無得撳咩,呢到撳啲錢多啲㗎。」
路人:你入去可以話你打劫
這時有其他路人加入勸阻力斥:「你入去,人哋可以話你打劫都得㗎。」「係囉,傻傻哋。」「唔見咗錢,邊個負責呀?你負責呀?」
「你入去打劫呀。」「等等啦,好快啫。」「人哋解款㗎啫。」
男子指斥解款員「嚟偷錢」
面對多名途人攔阻,男子未有退讓,竟又再胡亂指斥解款員:「佢嚟偷錢㗎啫。」
路人這時即時反駁:「你打三條九,話佢偷錢,有人證係到。」有路人再力勸男子體諒解款員,只是稍等一陣而已:「人哋個程序係咁做,你入去打劫呀。」
該男子冥頑不靈 ,繼續指罵解款員:「呢個時間入款嘅咩?」「我要入票,你(指解款員)依家阻住我入票,你成部機吉住係到,無用過㗎。」
路人粗口回應
這時影片傳來路人連串粗口,似對該男子強詞奪理的態度感不滿,影片最後見該男子仍死死釘在門口,拒絕離開,未知後續發展。
網民一致批評男子橫蠻無理:「王子病。」「去第二間唔得㗎咩?一係等吓囉」「我係解款員會報警。」「有些人就是這樣!你越唔畀佢入去,佢就偏要入,其實入去蝕底係自己,隨時告打劫。」
----
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ