颱風蘇拉︱打風前掃光貨架資深「煮」婦一句KO「盲搶糧」：唔搶就Ｘ｜Juicy叮

更新時間：12:01 2023-09-01
發佈時間：11:35 2023-09-01

颱風「蘇拉」襲港前夕，市民按「傳統」集體搶糧，掃光貨架的相片昨日（8月31日）格外耀眼。有網民在facebook發貼嘲笑「盲搶糧」，卻被真正下廚的資深「煮」婦一句KO。

樓主發文指「有傳個風好勁，都只係一兩日啫，希望啲人唔好又搶菜搶肉，攪到好似世界末日，助長奸商坐地起價......」，獲和應「都唔明，香港打風有幾多日呀，唔明買定嚟做咩」和「搶乜鬼？雪櫃啲嘢夠食一星期」。回應的網民似乎都是資深「煮」婦或「煮」夫，沒有圍爐齊嘲，反而句句為搶糧辯護：

風暴前掃光貨架逐張睇↓↓↓↓＋網民KO式回應「盲搶糧」↓↓↓↓

網民：唔好用自己諗法套落人哋

•一家四口，出唔到街食，餐餐食公仔麵？唔好用自己諗法套落人哋

•睇你有冇煮開餸咁解，打風嘅話無菜買，唔想食公仔麵咪唯有預早兩日買餸lo

•打風後啲菜一定會比依家貴，而我係一定要食菜嘅人，所以真係會買定多啲菜，但又比人話盲搶菜

•有d平日唔多煮餸或者根本唔煮餸嘅人係唔會明

•煮開飯的，買定2日餸都好正常，唔算叫做搶

•咁得閒講呢啲嘢嘅通常都唔係負責買餸嗰個

•唔係想搶，但屋企冇，打風2日冇得賣，過後冇車運輸，菜又話打死冇菜賣，有又貴，點揀

•樓主有無試過一家四口，兩日煮4餐，要買幾多餸？

•唔係個個屋企樓下都有食肆，買多一兩日餸好正常。

•對 , 1家4口+工人姐姐，早餐 /午餐/晚餐 , 要諗定食d咩

風暴前掃光貨架逐張睇↓↓↓↓＋網民KO式回應「盲搶糧」↓↓↓↓

另有人坦言「執輸行頭慘過敗家」、「唔搶就笨X喇」、「你都傻豬豬，你出呢個post前已經搶晒」。

有人認真地指「可能真係要買定啲，個風唔係講笑」，還有人以教訓的語氣稱「唔買嘅話，一家幾口，一日三餐食M記？定煮麵？無車撘點買M記，即係你要一日食3餐公仔麵，所以話新一代無腦係真，以前你老豆老母都係咁辛辛苦苦去買送養大你，而家就話唔知搶乜Ｘ」。

風暴前掃光貨架逐張睇↓↓↓↓＋網民ＫＯ式回應「盲搶糧」↓↓↓↓

「蘇拉」今晚至明早最接近本港在天文台以南約50公里內掠過

天文台今早11時45分在「熱帶氣旋警告」中表示，八號西北烈風或暴風信號，現正生效。預料本港吹西北風，平均風速每小時63公里或以上。在正午12時，超強颱風蘇拉集結在香港之東南偏東約170公里，即在北緯21.9度，東經115.8度附近，預料向西北偏西移動，時速約10公里，移向珠江口一帶。

天文台指出，「蘇拉」的眼壁完整，環流緊密。隨著「蘇拉」繼續靠近本港，未來數小時天氣將逐漸轉壞，有狂風大驟雨，風勢猛烈。八號烈風或暴風信號會在今日大部分時間維持。按照現時預測路徑，「蘇拉」會在今晚至明早最接近本港，在香港天文台以南約50公里內掠過。天文台會視乎本地風力變化，評估是否需要在黃昏前後發出更高熱帶氣旋警告信號。

「蘇拉」路徑及本港今早風勢數據↓↓↓↓

颱風蘇拉︱山雨欲來網民心急查問各區今早情況：聽到胡胡聲

颱風「蘇拉」撲港，各方嚴陣以待。天文台表示，八號烈風或暴風信號會在今日（9月1日）大部分時間維持，預計「蘇拉」今晚至明日（9月2日）早上相當接近本港，在香港以南100公里內掠過，會視乎本地風力變化，評估是否需要在黃昏前後發出更高熱帶氣旋警告信號。有心急的網民查問各區今早情況，有人回應指「西貢開始感受到強風」、「尋日朝早都係冇風，係石排灣邨已經聽到胡胡聲」。