觀塘男子險墮樓｜聽呼救聲即跑上樓幫手 救人街坊謙稱：出於本能
更新時間：17:46 2024-07-12
發佈時間：17:46 2024-07-12
發佈時間：17:46 2024-07-12
字體大小
觀塘翠屏北邨一名男子今日（12日）下午於寓所內晾衫時，失足跌出窗外，倒吊在晾衫架上搖搖欲墜，幸獲街坊合力救回保命。有份救人的陳先生向《星島頭條》表示，當時他在樓下維修電單車，突然聽到樓上傳出呼救聲，始知有男子懸空吊在大廈外面，其中一隻腳被人捉住，於是出於本能跑上樓救人。
相關新聞：觀塘翠屏北邨男子疑晾衫失足 半空倒掛「吊吊揈」 街坊捉腳救一命
陳先生表示，事發時他正於樓下維修電單車，突然聽到有人大叫救命，於是四處張看但未有發現，一度以為有人惡作劇，但呼救聲持續傳出，遂抬頭觀看始知有一名男子在晾衫架倒掛「吊吊揈」，而後腳則被人捉住，「掹人嗰個喺度講：『我唔夠力呀！搵個人上嚟幫下手』，啲保安又唔肯上去，淨係話報咗警，谷鬼氣我就跑上去幫手」。
他指自己跑上樓後，只能協助捉住事主，又不斷出言安撫，「掹人嗰個大約40幾歲，我哋叫晾住咗嘅嗰個男人唔好郁，鎮定啲」。大約10分鐘後，消防趕到現場，再由「飛將軍」游繩而下，將事主救回屋內。
陳先生指自己居於翠屏北邨30多年，今次救人純粹出於本能，「其實唔知點解個男人會跌出去，但佢同警察講自己晾衫時跣咗出去…今次唔係第一次救人㗎喇，救到好哋哋， 救唔到就好心噏」。
有女街坊表示獲救男子叫「馬生」，大約70多歲，妻子早已離世，現時獨居於上址一單位，子女及孫兒間中會回來探望。她指「馬生」雖有「老人病」，但平日都會自己落街買餸，對於他平安獲救，都拍心口表示：「無事就好啦」。
