年宵花市2025︱維園熟食檔$30碗魚蛋 $50份燒生蠔 檔主減「北客」食品：我唔需要咁多人企喺度
發佈時間：14:45 2025-01-25
【年宵市場/維園年宵/小食/花市/過年】2025年農曆年宵市場早前(23日)開鑼，《星島頭條》記者於當日傍晚到熟食檔了解，發現人流不俗，不少人前來「搵食」。部分檔主表示儘管成本上升但不敢加價，擔心客源流失，亦有檔主奉行「貴精不貴多」戰術，專賣一款產品，避免客人「齋睇唔買」，直言「我唔需要咁多人企喺度」。
今年維園年宵有6個熟食檔，在現場所見，主要售賣燒賣、魚蛋、燒牛柳粒、燒生蠔等小食，售價由20元至70元不等。最便宜的是20元一條的岩燒爆汁肉腸，最貴則是70元兩隻的醬爆魷魚。其他常見的熟食，包括魚蛋、燒賣價錢和去年相若，30元一碗，一份4個的燒生蠔、燒元貝則售50元；大部分食客認為價錢偏貴，但尚可接受，笑言「冇理由嚟到唔買。」
相關新聞：年宵花市2025︱維園花檔看好銷情 指客人疏爽不計較：最緊要一年一次買花
檔主憂天氣差影響生意
租下4個熟食攤位的許先生已連續兩三年在維園年宵市場擺檔，他表示考慮到顧客消費能力下降，今年雖然成本上升，但價格與去年相同，並未加價，又指去年因連續幾日下雨，客量減少以致生意虧本，希望今年天氣好讓生意回升，「而家就係靠呢個天氣啦」。
被問及是否擔心利潤下降，許先生坦言「冇辦法㗎啦」，對此問題心態較為穩健，稱做了十幾年生意都「有啲感情」，即使去年「輸咗」亦不會放棄繼續經營攤位，形容自己「係邊度跌低我就係邊度爬返起」。
檔主今年不敢加價：做唔到生意冇意思
幾乎每年都在維園年宵市場擺攤販賣冰糖葫蘆的李小姐同樣表示未有對價格進行調整，笑言「加價你自己做唔到生意冇意思啦」，認為不加價既符合顧客消費力，又可以提高生意額，為雙贏策略，形容「大家都開心啲啊嘛」。她提到疫情後內地遊客減少，取消售賣針對「北客」的食品以減輕成本負擔，亦避免產品種類繁多吸引過多顧客「齋睇唔買」，直言「我唔需要咁多人企喺度」。
至於能否回本，李小姐對此表示有信心，除經營該攤位，亦有做產品批發，並不擔心利潤減少導致生意虧損，但認為市道變差，料今年收入不會高於去年，稱「寧願睇低小小等自己開心啲」。
檔主莫先生：視巿場情況調整5至10元
售賣雞翼包飯和小籠包等食品的莫老闆今年首次在年宵市場設攤，並先以低價策略吸引人流，再根據市場情況逐步提升5至10元。對於今日的銷售情況，他表示營業額未達預期，但相信臨近過年人流增多，銷售量將逐漸回升。他亦透露，採取謹慎進貨策略，「賣晒就算數」，控制成本的同時避免過度庫存。
巿民購40元一隻雞翼包飯：差唔多一餐飯嘅價錢
18歲的黎小姐購買了冰糖葫蘆和雞翼包飯，認為價格偏高，「貴咗差唔多一半」，更形容40元一隻的雞翼包飯「差唔多一餐飯嘅價錢」，但依然願意為新年氣氛選擇購買，笑言「冇理由嚟到唔買」。
從元朗遠道而來逛花市的張先張太對其中一檔的烤茄子讚不絕口，大讚「畀佢90分，非常之好食」。他們透露該檔亦有經營餐廳，早前已幫襯過，年宵攤檔較平時加價約10元，認為屬合理範圍，直言「門口位置最貴租」、「人哋一定要有錢賺㗎」，對檔主加價表示理解。
3個來支持學校攤位的中三女學生則認為購買的小食味道尚可，雖然價錢偏貴，但在接受範圍內。被問及會否再幫襯，何同學則表示並不會特意前來。
記者：曹露尹
