六合彩金多寶︱初五迎財神市民發橫財夢 廿四孝女：中頭獎買層樓畀媽咪
更新時間：16:57 2025-02-02
發佈時間：16:57 2025-02-02
發佈時間：16:57 2025-02-02
字體大小
大年初五迎財神，六合彩新春金多寶今晚（2日）9時半攪珠，頭獎彩金史上最高，一注獨中高達1.88億元。《星島頭條》記者今午到有「最幸運投注站」之稱的中環士丹利街馬會觀察，排隊人龍已經由士丹利街經德己立街，延伸至威靈頓街。
新春金多寶頭獎1.88億 市民跨區投注
不少市民一家大細專程跨區前來發橫財夢，有孝順女指中頭獎會「第一時間買層樓」送給母親，亦有市民指若中頭獎會「買樓買田買地」，部分人則稱會把一部分獎金拿出來做善事。
中獎後買樓贈朋友：香港搵食艱難
市民張小姐與家人一起專程來士丹利街投注站買六合彩，預計要排隊一個半鐘才可買到，表示「想碰一碰彩，新年排隊無所謂」，又指「呢間曾經有人中過，想睇吓可唔可以有啲旺氣」，又指如果中獎會「第一時間買層樓畀我媽，跟住再買層樓畀我朋友，令佢哋生活好啲，𠵱家香港搵食艱難」。
市民方女士從黃竹坑前來中環，表示以前在德己立街居住，知道此投注站特別多人排隊，便來試一下。她表示「排隊就當企吓，唔辛苦」，今次打算買「二三百蚊」，若中獎要「捐畀教會，做啲善事，留返少少畀自己用。」
全家人一起來買六合彩的吳先生表示，平時經常買六合彩，笑言「四十蚊就中過好多次」。今次他準備「投資」200元，若中獎「最緊要買樓買田買地」，而一旁的家人則表示「最緊要要做善事」。
油塘居民許先生指，「上網睇呢間易中啲，想嚟試一試」，指現場人很多，自己平日較少買六合彩，今次打算落注10元，「無諗過中獎，都無研究過點買，都係隨心試一試。」
記者：郭穎彤
最Hit
