晨光追擊│「永遠美麗」健步如飛
更新時間：12:30 2024-11-13
發佈時間：12:30 2024-11-13
發佈時間：12:30 2024-11-13
字體大小
大多參戰馬選擇在明早試跑，因此今朝出跳馬不多，幸好有蔡廄四匹戰駒及希廄鎮倉寶「嘉應高昇」撐場。
「十八掌門」戴眼罩由助手拍伴跳馬跳一段，表現比之前乖巧好多，唔再扭計快慢由人，馬身收得好靚，出腳步勁力足，狀態大勇。「嘉應高昇」潘頓跳一段，大步走過勁力貫注，從容不逼已跳出快時間，試來雙目有神，威勢十足。
「永遠美麗」戴頭罩由助手跳兩段，馬身收得好靚好實淨，健步如飛神采奕奕，狀態正值勇境。「極速贏」副練跳兩段，再一次戴面箍出試效果好，試來十分放鬆，展步順滑有彈力，馬身收得壯碩，出腳力度充沛。
「燭光晚餐」戴眼罩及戴頭罩由田泰安跳兩段，口勁仍重，全程捉到實，神態活躍，馬身實淨毛色好睇。「大利好運」戴眼罩及頭罩由助手跳兩段，試來輕描淡寫，不過出腳力度普通唔夠勁，狀態在初起階段而已。
「星際快車」助手跳兩段，前腳一貫出得直，急口毛病已見改善，唔急受操控，出腳力度亦充足。「歷險大將」戴眼罩由巴度跳兩段，按住慢試尚算聽話，出腳力度一般，神色仲係有啲淡，稚嫩進步唔多。
冠寶駒老當益壯
「冠寶駒」戴頭罩由希威森跳一段，按慢淡定走過，馬身收得實淨，外觀對辦，落腳輕快有勁，老當益壯。「一起美麗」助手跳兩段，無轉腳之餘，前腳也出得高，但馬身收得靚呈現線條美，觀感非差。
「冠寶駒」馬身收得實淨，外觀對辦，落腳輕快有勁，老當益壯。
「駿馬為伍」戴頭罩由梁家俊跳兩段，有肌肉夠粗身，可是出腳仲係欠利落，動作笨拙，進步不多。「人和家盛」戴頭罩由助手跳兩段，馬仔收得結實，毛色油潤吸引，保養得宜之馬，狀態持續勇銳。「英雄本色」戴眼罩及頭罩由助手跳兩段，一直側住頭走，唔夠集中，步重力弱進步欠奉。
兆文
最Hit
深水埗餐廳結業潮？30年老字號雲吞生麵食也離場 區內老舖、小店三個月執5間
2024-11-20 15:36
TVB台慶｜台柱司儀今年無影行蹤曝光 另覓好友北上玩樂 多位新舊TVB藝人現身
2024-11-20 15:00
60歲男患大腸癌4期擴散 這食物常吃半碗 2年來不復發！醫生證功效強
2024-11-20 17:12
