內圈捕影│「機械騎士」心火旺盛
更新時間：12:30 2025-01-11
發佈時間：12:30 2025-01-11
發佈時間：12:30 2025-01-11
字體大小
大多參戰馬今朝都到內圈出試，場面熱鬧，當中甚多精彩鏡頭。
「逆市奇爸」助手踱一圈，一貫跟住儀仗馬走，以輕鬆姿態完成，步挺貫注力足，朝氣勃勃，狀態持續見好。「機械騎士」助手踱兩圈，無時無刻搶住走，心火旺盛展現朝氣，馬身仍靚神態昂揚，論態一直出色。
「獵寶勤」助手踱一圈，依舊身壯脹卜卜，毛色鮮明潤澤，落腳整齊走勢又硬淨，勇況依然神態活躍。「新力好」副練踱一圈，試來雙目有神，精神奕奕，馬身壯到不得了，毛色油潤烏卒卒，近況出色，佳態洋溢。
「衝上雲宵」助手踱一圈，步挺順暢又有彈力，馬身更壯更紮實，火氣有增無減，勇銳之餘又有進步。「德心知遇」助手踱一圈，快慢由人試得乖巧，走勢硬朗步挺開揚有勁，肌肉結實又夠薄皮，近況甚佳。
「包裝天將」助手踱一圈，試來神情專注，馬身收得好靚全身都係肌肉，落腳輕快流暢，比起前時再進一步。「競駿先鋒」助手踱一圈，步伐穩健力度唔錯，馬身收得好靚，墜手起勁暗火展現，狀態長期見好。
「壯志凌雲」助手踱兩圈，試來朝氣勃勃，出腳力度亦足，馬身實淨毛色油潤，早前試閘走勢吸引。「包裝明駒」助手踱一圈，大大步走過，雙目有神氣宇軒昂，馬身比前更靚更結實，保持上佳進度。
謝鋒
