港人母親節深圳食buffet嗱喳招搲著數！補習名師蕭源出po鬧反被寸︰醒目有錯咩？

更新時間：10:00 2024-07-13
發佈時間：10:00 2024-07-13

港人北上通常會搵平嘢食，亦不時會在美團、大眾點評等美食Apps上搶優惠券，慳得一蚊得一蚊。經常在社交平台討論中港兩地生活文化差異的補習名師蕭源，最近就在Threads上分享一位朋友於母親節時，全家上深圳吃自助餐的經歷，期間更使出嗱喳招搲著數，令蕭源大為咋舌，甚至形容為港人在深圳「劣行」，引來網民熱議。

補習名師蕭源出po斥朋友深圳食buffet嗱喳招搲著數

點擊睇蕭源朋友在深圳搲著數經過︰

蕭源近日在社交平台Threads發文分享，指友人全家於母親節上深圳食自助餐，事先有致電餐廳訂位，並循例查詢會否有優惠，而店家則回覆︰「有，上『大眾點評』買優惠券。」到母親節當日，朋友為全家購買了優惠券並準時到達，由於深圳吃buffet沒有香港的「限時2小時」規定，朋友一家都吃得非常盡興。但就在此時，家人突然查看優惠券，發現雖然價錢超平，但上面寫明「不適用於母親節」。

質疑朋友「咁做好似唔係咁好」反被寸

他續指，不過朋友非常冷靜，並找到當日的經理查詢，表示致電訂位時，是經理「親口叫我到大眾點評買券，但你沒說母親節不能用。我現在買了，那怎麼辦？不可能今天先『正價』吃一頓，下次再來用券吧？」經理雖面有難色，但糾纏一輪後亦無奈說：「那買了券也沒辦法，今天我們就收你優惠券上的價錢吧。」

蕭源的友人於這場爭辯中「勝出」，繼續與家人痛快吃喝，但怎料…朋友回座位後的一舉動令他大為咋舌，並認為「好似唔係幾好。」他甚至質疑朋友「你問其他香港人會唔會咁做。」豈料最終是被朋友反寸收場，點擊以上圖輯睇完整經過。

是港人深圳劣行？網民咁樣睇…

聽過朋友的經歷後，蕭源就大為無奈，更直言這宗港人在深圳的「劣行」，是他朋友的經歷，與其無關，要劃清界線。有網民留言表示，「其實有咩錯，去得深圳飲飲食食就係貪平，有著數唔搲到盡就對唔住自己啦，係肉酸啲啫」、「香港都幾多呢種人，貪小便宜乜都搲一餐，為咗嗰$50搲爛塊面都有」，以及「就係呢啲出嚟玩又貪小便宜嘅人，影衰曬香港人嘅朵，冇錢咪出黎玩啦」。甚至有人認為此舉非常有問題，「呢啲frd可以絕交了」、「醒目冇錯，但依件事唔係醒目，係冇品」、「人格有問題囉，叫佢自己反省吓啦」。

資料來源︰蕭源@Threads