投資三千萬開時裝舖 王敏德十年內要賺百億
更新時間：18:33 2015-06-19
發佈時間：00:00 2014-09-26
發佈時間：00:00 2014-09-26
字體大小
49歲「型男」王敏德（Michael）多才多藝，除了拍戲同駕飛機外，兩年幾前開始進軍時裝市場，成立個人品牌MW Michael Wong。滿腹創業大計的 Michael已鐵定下月中在銅鑼灣開設品牌首間Pop-up Store，仲揚言會將這盤Made in HK的生意邁向國際化，目標是10年內賺到10億歐羅(約100億港幣)，但堅決多多錢都唔會出售自家品牌。採訪：方騫平攝影：李維隆
日前大清早王敏德帶同外籍設計師、地產經紀及裝修師傅一行數人去銅鑼灣耀華街睇吉舖，舖頭位於時代廣場附近，鵝頸橋底，香港仔隧道一出就會見到，位置相當優越。
舖位面積1300呎，連埋舖外可用作放置廣告的38呎特大櫥窗，月租要15萬8千。Michael除了在舖內指天篤地，向設計師同裝修師傅表達裝修概念外，仲過埋對面馬路影相，睇吓舖頭外圍的環境，特大窗櫥廣告的吸引力等，親力親為，好鬼落力。
誓將品牌推向國際
Michael話，公司仲有兩個股東，大家合共投資3000萬，下一步要吸納其他投資者將「MW」發大並推向國際，他充滿信心說：「喺MW正式推出前試過水溫，分別同國際知名品牌好似Rimowa、Giorgio Fedon、Edward Green等合作，做咗唔同嘅Crossover限量系列，好似旅行箱、銀包同短靴等，市面反應好唔錯好多貨都賣晒，對我哋品牌好有信心，所以好似打咗枝強心針咁，我打算將MW融入生活時尚，可以同投資者合作做埋護膚、飾物，希望用5至10年時間將Made In HK嘅MW成為外國top brand，10年內賺到10億歐羅，目標係咪好高呢？」
Michael自爆曾經有設計師提議他唔好標榜MW是Made in HK同埋中國，擔心有損品牌形象，但Michael堅決反對：「我以香港為榮，今時今日我有名有利都係拜香港電影所賜，香港咩文化都有，有乜唔好呀？我撐香港撐到底㗎！」
日前大清早王敏德帶同外籍設計師、地產經紀及裝修師傅一行數人去銅鑼灣耀華街睇吉舖，舖頭位於時代廣場附近，鵝頸橋底，香港仔隧道一出就會見到，位置相當優越。
舖位面積1300呎，連埋舖外可用作放置廣告的38呎特大櫥窗，月租要15萬8千。Michael除了在舖內指天篤地，向設計師同裝修師傅表達裝修概念外，仲過埋對面馬路影相，睇吓舖頭外圍的環境，特大窗櫥廣告的吸引力等，親力親為，好鬼落力。
誓將品牌推向國際
Michael話，公司仲有兩個股東，大家合共投資3000萬，下一步要吸納其他投資者將「MW」發大並推向國際，他充滿信心說：「喺MW正式推出前試過水溫，分別同國際知名品牌好似Rimowa、Giorgio Fedon、Edward Green等合作，做咗唔同嘅Crossover限量系列，好似旅行箱、銀包同短靴等，市面反應好唔錯好多貨都賣晒，對我哋品牌好有信心，所以好似打咗枝強心針咁，我打算將MW融入生活時尚，可以同投資者合作做埋護膚、飾物，希望用5至10年時間將Made In HK嘅MW成為外國top brand，10年內賺到10億歐羅，目標係咪好高呢？」
Michael自爆曾經有設計師提議他唔好標榜MW是Made in HK同埋中國，擔心有損品牌形象，但Michael堅決反對：「我以香港為榮，今時今日我有名有利都係拜香港電影所賜，香港咩文化都有，有乜唔好呀？我撐香港撐到底㗎！」
