江美儀揭女星博出位招數！有人穿有漬內褲泳裝示人下身現濃密「海膽」一藝人被點名

更新時間：20:20 2024-11-14
發佈時間：20:20 2024-11-14

江美儀、吳家樂近日主持梁思浩的網台節目《娛樂好好玩》，大談「G-Dragon粉紅女裝造型撞樣關菊英？」外，又提到近日叱咤記者會上的浮誇造型，當中包括Serrini疑「凸點」。江美儀期間分享曾在亞視見過有藝人走光，但不知對方是意外還是有意，當時不知道應否溫馨提醒。

江美儀爆料昔日亞視出位女藝人事件？

江美儀提到有一次在亞視期間，當年流行穿低腰褲襯T-back，兼露出內褲邊，江美儀見到該女星穿中腰褲卻將T-back邊露出，但江美儀指對方的內褲有漬：「唔係純白，有啲位有少少象牙黃、象牙白，汗漬咁樣，唔係血染的風采，咁點呢？會唔會佢唔知呢，如果有條新嘅，或者喱士，或者比較誘惑啲嘅咁都靚啲，當你條褲有漬，人哋就會覺得你係唔係，個人衞生有咩問題呢？」

最終江美儀與在場眾人討論後，派出一位猜輸的女藝人提醒對方。江美儀未有公開對身身份，只說：「佢行埋去同佢講，話『你條褲係咪掹得高得滯呀？』」對方則回答「得㗎喇，得㗎啦。」江美儀等即明白是有心而為：「我哋就知佢係特登喇，咁我哋咪成班咁咪好囉，咁咪出去囉，有時啲人係特登要俾人影。」

江美儀離婚多年感情空白：

另一宗同樣是在亞視期間發生，江美儀當時到沙灘拍攝，去廁所時遇上一位女藝人，江美儀爆料打招呼時「已見到唔應該見到嘅嘢」，為免尷尬江美儀有心在廁格逗留多些時間，怎料對方一直等她洗手，並問：「佢話『美儀呀，我想問吓你呀，你覺得我呢件泳衣呢，着唔着底褲好？』」江美儀坦承當時見到「海膽」已好震驚：「佢自己個海膽飛咗出嚟。」吳家樂打趣笑道：「如果你未濕水海膽都飛出嚟，就真係唔得。」

江美儀認計自救

為避之後引起不必要的麻煩，江美儀思索一輪才想出一句：「我叫佢着又死，唔着又死喎，跟住我靈機一觸話，『其實你着唔着底褲都咁靚㗎啦，係咪？』跟住我就出咗去，我一額汗走出嚟，洗手洗到爛咁滯。」最終該女藝人只用絲巾圍腰見傳媒，江美儀說：「記者梗係睇到啦，咁濃密嘅海膽，問佢啦，佢話『我覺得呢件泳衣好靚』，我就覺得自己好叻，如果唔係，佢唔着嘅，佢就會話『頭先美儀叫我唔好着』，你明唔明呀？咁好彩我咁樣答咗佢。」