KellyChu - 消委會公開聘總幹事黃鳳嫺未透露動向 | Executive日記

專欄

更新時間：02:00 2025-01-16 HKT
發佈時間：02:00 2025-01-16 HKT

　　消委會早前登廣告招聘總幹事，出任總幹事超過12年嘅黃鳳嫺（見圖）動向引起關注。剛好昨天係消委會《選擇》月刊記者會，記者朋友就捉緊機會問黃鳳嫺是否即將離任，佢則笑着反問：「你又覺得我真係離任？」話自己可能有潛在利益衝突，所以唔方便評論咁多，亦多謝大家關注佢動向。

　　消委會早前指，正就總幹事一職根據既定程序作公開招聘，相關招聘廣告於上月21日刊出，截止申請日期為昨天。根據廣告，該職位嘅薪酬相當於公務員首長級薪級表第4級，即月薪約25.6萬至27.2萬元，而目前消委會總幹事薪酬相當於首長級薪級表第3級，月薪約22.6萬至24.7萬元，即薪酬等級獲晉升一級。

　　做得呢個位，應徵者要求都唔可以低，最少要有15年消費者或非牟利機構相關高層管理經驗，熟悉政府工作，以及能駕馭複雜嘅政治、社會和經濟環境。

KellyChu

↓立即下載星島頭條App↓