KellyChu - 「共築‧幸福」富山邨畫出人情味 | Executive日記

專欄

更新時間：02:00 2025-04-26 HKT
發佈時間：02:00 2025-04-26 HKT

　　富山邨將迎來翻新大改造，附近嘅街坊都十分期待！房屋局局長何永賢昨日指，局方「共築．幸福」計劃，將於5條屋邨提早試行，其中一條納入計劃嘅黃大仙富山邨，將透過活化公共空間，例如增加壁畫同休憩空間，提升居民歸屬感。何永賢形容，早前落富山邨視察嗰陣，有居民主動上前同佢講「加油」，感受到濃濃人情味，好有感觸！

　　何永賢話，早前與民建聯立法會議員李慧琼及多位黃大仙區議員，到富山邨實地考察，聽取有關改善工程，包括為現時較暗淡嘅通道，加設色彩鮮明嘅「富山邨」標識；喺入口牆身繪製屋邨地圖，方便居民掌握屋邨布局；重新設計公共空間，結合兒童遊樂設施同成人休憩區；喺有蓋位置，增設社交座椅及太極練習區；設計主題壁畫，增添社區活力等。

　　何永賢又話，佢哋亦到邨內茶餐廳同區議員交流，期間有居民主動上前同佢哋講「加油」，感受到呢個屋邨嘅人情味，好有感觸。佢話，一定把握好呢個屋邨嘅特色，善用空間，創造更多可承載呢份珍貴人情味、更多姿多彩嘅幸福空間。

KellyChu

↓立即下載星島頭條App↓