捲入陶大宇離婚事件郭羨妮高呼﹕我係無辜㗎﹗

頭條日報-娛樂

更新時間：12:13 2015-06-15
發佈時間：00:00 2007-03-30

       陶大宇與妻子黃慧寶離婚結束17年情，被指是第三者的郭羨妮（Sonija）昨日強調自己不是第三者，大嘆無辜及不幸，Sonija話大宇就連累她牽涉在內而講對唔住，對於大宇表示不會避忌，Sonija說﹕「他單身不關我事。」完全劃清界線。
      郭羨妮昨日一連出席兩個活動，她有備而來說﹕「第一我否認我係第三者，呢件事同我無關係，第二是我擒日朝早先知道呢件事，大宇打電話畀我講對唔住，佢話自己離婚，連累到我所以講對唔住，其他事我不方便評論，人哋離婚已經係唔開心嘅事。」
      沒有感到嬲怒
      問到是否感到很無辜﹖Sonija覺得第一個反應不太強烈，亦沒有嬲怒，她澄清了已經足夠，不過大宇太太直指她是第三者，她說﹕「呢件事我唔知，唔知道人哋講乜，亦唔知真定假，人哋婚姻與我無關，拍完《學警》之後我哋已經無聯絡。」
      問到大宇有否解釋為何太太會這樣說﹖Sonija說﹕「無呀﹗佢只係講對唔住，我有問到點解會咁樣，不過佢無答。(有否覺得大宇有追求之意﹖)無﹗我可以肯定講無。」
      Sonija指出二人傾電話也只是工作上的聯絡，大宇亦沒有管接管送，她多次強調與事件無關，亦不知為何「入佢數」。
      強調不會被雪藏
      對於樂易玲強調不會雪藏她，她說﹕「點解要雪我﹖我係無辜㗎，公司都好錫同關心我，(有否想過挽救自己形象﹖)，我又無做過乜嘢，點解耍挽救，唔通去做社會服務令﹖」


■陶大宇剛與妻子黃慧寶辦理離婚。