Executive日記——緋聞男女主播靜悄悄重返崗位

專欄

更新時間：12:08 2015-06-19
發佈時間：00:00 2013-03-26

       無線新聞部女主播周嘉儀同已婚男主播許方輝鬧緋聞一事，熱爆全城，二人一齊以私人理由放假，好似迴避各方注視咁，經過兩周不見人影，兩人昨天靜悄悄復工，唔少觀眾一見到嘉儀BB在晨早新聞節目重現熒幕，都紛紛喺討論區留言，唔少網民都話，估唔到嘉儀BB咁快復工喎！
      Kelly收到風，有記者噚日向TVB打聽，新聞部發言人就話，許方輝同周嘉儀都放完假，男方喺上星期六全面投入工作?！而嘉儀BB噚日已回到主播崗位，以白色「喱士」上衣主持「香港早晨」，表現淡定兼專業。
      未知男主角幾時再出鏡
      記者打算再追問吓二人復工後嘅工作安排，同男主角許方輝何時再現熒幕，新聞部發言人就表示：「呢啲係公司內部安排，唔方便向外公佈。」而噚日嘅午間新聞同六點半晚間新聞都係由方東昇主持。記者朋友噚日嘗試過聯絡周嘉儀、許方輝同許方輝太太陳佩琳，但係一直聯絡不上。
      現年三十一歲嘅周嘉儀同四十八歲嘅許方輝，傳聞二人去年七、八月主持無線多場立法會選舉論壇時，因為周嘉儀唔熟悉政治，不時向男方請教，忽然「撻着」。二人早前俾傳媒影到不時有來往，許方輝仲「登門入室」，駕車到嘉儀BB香閨，惹來外界猜測。
      Kelly Chu