周顯 - 股票行求死不能｜政政經經
周顯
2023-10-30 00:00
字體大小
日前同一位上市公司老闆吹水，講到幾年前他買了一間證券行，現時的生意怎樣？他說：「o依家股票行仲有得做咩，已經收晒皮，搞咗好耐執笠啦，不過未搞得到之嘛。」
究竟點解未搞到呢？原來是客戶還有存款和股票在戶口，但客人已失聯無法找到，很可能已經死掉，但當局為安全起見，始終不讓公司摺埋，因此便僵持下去。
客人失聯無法執笠
老闆當然媽媽聲：「生意已經無得做，連死都唔准死，真係喪盡天良！如果有朋友搞股票行，我會叫他倒錢落鹹水海好過。」
事實勝於雄辯，這幾年香港證監會和聯交所聯手搞死香港的股票市場，你說因為香港人窮，無人炒股票，但不知有幾多人炒加密貨幣同埋炒美股，你說香港和內地經濟不好，可是客觀地計市盈率，港股是遠低於美股，「錦鯉」又點去拗呢？
香港的貨幣是聯繫匯率，靠美元生存，股票市場就是吸納美元的最大資金池。政府用一大班律師去搞股市，再加一班會計師來輔助，dumber and dumber，有乜可能會有生路？
周顯
更多文章
