周顯 - 二手車商逆境求生 | 政政經經
周顯
2024-07-08 02:00 HKT
字體大小
同內地二手車商食飯吹水，講到這一年由於電動車市場內捲，從而波及到油車市場，保時捷在5月份只賣4064輛，按年暴跌47.9%，是全球唯一銷量下滑的市場，整個燃油車市場則跌了兩成。
「咁你點生存？」我問他。
「咁我咪賣香港車囉。」他說：「香港的二手豪車，如賓利，一架賣十幾萬元，但在內地卻可賣到幾十萬元，無他，在小鎮揸架賓利，溝女呃人做生意都方便好多。」
「我明白，香港養車貴，油又貴，以前有朋友送給我一架舊款S500，根本送到無人要。有錢人不會買二手，買二手的又養唔起，所以二手300仲值錢過500。」我說：「不過我又唔明，香港車揸得上內地咩？」
「咁我咪租埋中港牌畀佢囉。」他說：「反正𠵱家港車北上，中港牌唔值錢，西部月租6000，港珠澳月租2000，每三個月來香港轉一次，都好方便。」
這故事證明了，天無絕人之路，只要有橋，就算是逆境，也可以找到商機。話時話，中港牌月租6000，真係平，成本都要2000至3000，搞到我都想租返個！
周顯
最Hit
「鑽石之王」HARRY WINSTON 糅合多元風格與切工美藝 締造璀璨婚嫁珠寶
2025-04-03 00:00 HKT
特朗普轉發影片 暗示股市崩盤是「故意」
7小時前
前TVB男星突然公開向妻道歉：食軟飯，係我唔啱 離巢前考定保安、地盤等牌照養家
2025-04-05 15:30 HKT
觀塘/尖沙咀至深圳皇崗口岸直通巴士恢復24小時通車！跨境快綫加密至5分鐘一班車 車費最平$20 附班次/上車地點
2025-04-05 15:28 HKT
更多文章
