頭條戲場 - 《怪物》做人父母請入場｜頭條戲場
頭條戲場
2023-07-07 00:00
字體大小
人人都有自己的道德標準，亦喜歡將自己把尺放在別人身上，加上社會灌輸大量所謂正確的價值觀，符合標準就獲高度讚好，唔符合就當你怪物。單親媽媽早織（安藤櫻飾）發現兒子湊（黑川想矢飾）有異，原來遭老師保利（永山瑛太飾）欺凌，翌日向校長（田中裕子飾）投訴，換來記錄在案。你覺得老師好衰？火滾校長點解唔處理？心痛小朋友？世界不是非黑即白，導演利用三線分拍視角，同一時空下從不同角度，帶住觀眾將細節整合，抽絲剝繭地呈現真相，冇一個人是無辜的，你同妳都係怪物。 （上映中） 撰文：廖思慧
因為囝囝被虐遭輕視處理，單親媽媽決定搞大佢，獲傳媒高度關注。輿論壓力導致學校不再平靜，家長及學生們對老師指指點點，最後工又冇女友又走埋，好想講句你都有今日？導演的設局成功了。
人人都係怪物
編劇坂元裕二的劇本好厲害，對白入肉零廢話，難怪拎到第76屆康城影展主競賽單元最佳劇本獎。故事唔複雜，分為阿媽篇、老師篇同小朋友篇，前兩篇刻意設局，鋪排懸念，觀眾以為電影主線講學校欺凌，第三篇玩開估，眼淚已經忍唔住。
因為唔想劇透，可以講嘅已盡講，電影最特別之處是觀後感人人唔同，反思位亦相當多，過度追求社會公認嘅標準，又或用標準將人標籤為「怪物」嘅人，其實最怪物，要討論真係有排講。總之故事出色，分鏡完美，攝影配樂冇可挑剔，童星演技點解可以咁勁？
開放結局
■暴風雨後見陽光，成身泥的兩位童星笑住奔跑，結果係sad定happy，自己諗啦。
媽媽好煩
■安藤櫻飾演的單親媽媽，對囝囝唔算嚴格，但經常想佢未來要點點點，有冇問過個仔呀？
為保聲譽
■老師保利（右）被投訴，學校唔想聲譽受損，勸強調自己冇欺凌的保利好好道歉。
黐線校長
■觀眾睇老師篇一定會話校長係個衰人，個個都鍾意做判官，指點其他人啱定錯，田中裕子做得超好。
惡死爸爸
■中村獅童飾演依里爸爸，用一個非常唔正確的方法教仔，我又指指點點了。
好錫學生
■從老師篇可見保利同學生關係好好，點解阿湊要屈佢？
靚爆場景
■戲中最重要的場景，即兩個小朋友的秘密基地，位於長野縣諏訪郡富士見町的舊立場川橋和舊瀬沢隧道，不過舊火車在拍攝後已移走。
因為囝囝被虐遭輕視處理，單親媽媽決定搞大佢，獲傳媒高度關注。輿論壓力導致學校不再平靜，家長及學生們對老師指指點點，最後工又冇女友又走埋，好想講句你都有今日？導演的設局成功了。
人人都係怪物
編劇坂元裕二的劇本好厲害，對白入肉零廢話，難怪拎到第76屆康城影展主競賽單元最佳劇本獎。故事唔複雜，分為阿媽篇、老師篇同小朋友篇，前兩篇刻意設局，鋪排懸念，觀眾以為電影主線講學校欺凌，第三篇玩開估，眼淚已經忍唔住。
因為唔想劇透，可以講嘅已盡講，電影最特別之處是觀後感人人唔同，反思位亦相當多，過度追求社會公認嘅標準，又或用標準將人標籤為「怪物」嘅人，其實最怪物，要討論真係有排講。總之故事出色，分鏡完美，攝影配樂冇可挑剔，童星演技點解可以咁勁？
最Hit
《愛回家》怪雞Fanny張盈悅改頭換面回歸？讓位金城安後外貌進化突然低胸索爆
2025-01-10 19:00
51歲伍仲衡被TVB「炒魷」後有新動向 靠一貼身物激發鬥志：成身都燃起咗
2025-01-10 18:30
更多文章
