頭條戲場 - 《撞鬼遇到愛》 泰式爆笑人鬼戀 | 頭條戲場
頭條戲場
2024-09-26 02:00 HKT
字體大小
泰國鬼片好出色，恐怖愛情劇種亦好好睇，甚至靈異愛情喜劇亦相當精彩，屬後者的《撞鬼遇到愛》就榮登泰國本年度愛情喜劇票房No.1！泰片套路，男女主角必屬後生靚仔靚女，加上一班負責搞笑的配角，《撞鬼》亦是，演女鬼的阿濃（Bow Maylada Susri飾）有泰國張員瑛之稱，又甜又靚又好身材，而男主角阿祖（Sutthirak Subvijitra飾/暱稱Gee）同樣有副靚偈兼Model型仔樣，愛情加靈異加無聊但好好笑的媾女情節，全片125分鐘，笑足大半場，其實幾抵睇。（上映中） 撰文︰廖思慧
男女主角夠靚，其實故事真係唔使太複雜，泰國導演Komgrit Triwimol就醒目，一間舊屋加一pair靚人及一堆笑料，夠做啦。阿祖係一位打機直播主，以打機為職業，爭人周身債，因為有長輩仙遊意外繼承一棟位於郊區的殘爆舊屋，阿祖諗住變賣還債，但屋又舊又偏僻，甚至住咗3隻鬼，就算搵師父作法都趕唔走。
女主角好靚
富貴險中求真係度度都啱用，窮鬼阿祖同3隻鬼講數，希望合作嚇人賺錢，鬼屋極速變主題樂園，然後多得KOL玩完力推，鬼屋一夜爆紅，入場費賺到笑，笑料開始越嚟越多，期間，阿祖發現愛上索鬼阿濃，由秘密在鬼屋談情到出街拍拖，尾段開始有啲失控，導演甚至癲到玩埋前世今生，但唔太影響劇情。
電影有鬼但一啲都唔恐怖，有好多笑位又有冧女位，估唔到配樂都幾好聽，咁人鬼戀係老套㗎，但娛樂性豐富，男女主角互動真係好甜，根本係一套甜爆愛情喜劇。
頭條戲場
阿祖除衫呢幕，全場嘩咗一聲。
阿濃嚇人都走可愛風，導演都話拍到唔想嗌cut！
阿濃本是千金小姐，被奸人害死後每晚都要死一次。
28歲的阿Bow在14歲時以女團身份出道，2013年女團解散，同年奪得泰國超模大賽冠軍。
鬼屋3隻鬼，阿濃之餘仲有佢兩位工人。
阿祖同阿濃好大膽，人鬼戀戀到落酒吧玩。
呢班係阿祖嘅朋友，玩鬼屋玩到上晒癮。
最Hit
TVB兩位首席主播同時離巢？任職20年才子疑似移民 凍齡女神久未露面公布噩耗
2025-02-10 17:30 HKT
長者優惠2025｜135大樂悠咭/長者咭食買玩折扣！海洋公園免費入場/配眼鏡減$600/美心MX晚市7折
2025-02-10 15:39 HKT
更多文章
