頭條戲場 - 《童話睇硬了》情人節搵朴智炫 | 頭條戲場
頭條戲場
2025-02-12 02:00 HKT
字體大小
嗱，我真金白銀買飛睇咗《臨時決鬥》、《祥賭必贏》、《麻雀女王追男仔》同埋《哈哈哈新年喜戲》，唔止0.7套啦，但係我覺得最好笑都係《童話睇硬了》囉。撰文︰華朗
（本月14日起優先場，本月20日公映）
韓片《童話睇硬了》是軟性喜劇，片長109分鐘，真係幾分鐘就一個少少鹹多多趣笑位。大力推介主角朴智炫，好pure好true，由頭帶到尾。故事中的她，白天是淫審署公務員，負責網上審查，見疑即block，夜晚寫網上「甜故」，當然不是《金瓶梅》之類啦，不得不讚香港電影公司的對白翻譯︰《12吋硬漢》、《淫體奧妙展》、《升降機逼咸》等「甜故」文章，配合埋畫面，音效例如低語、喘氣等，真的睇到腎上腺素急升。
崔始源做下靶
朴智炫在《童話睇硬了》表現實在太出色太搏，又濕身又跑來跑去又食雪條，極之誘惑，似足男人性幻想那些畫面情節，又表情多多，一時尷尬，一時又自信滿滿，非常討好；加上崔始源的笑料助功，成東鎰的插科打諢，二人樂做下靶捧起朴智炫，幕幕有衝突，娛樂性十足，有當年睇電影《絕世好Bra》喜出望外之感，有幾場戲真係有啲似，說不定有參考。朴智炫現年30歲，近年在連續劇《財閥家的小兒子》中飾演大嫂而爆紅，之後拍電影《破。鏡。慾》仲有裸露演出。話明《童話睇硬了》是軟性喜劇，無關痛癢，說甚麼探討社會對成人內容的刻板印象，反思「標籤化」令人跌入思想陷阱，打破「二元對立」的道德框架等，統統水過鴨背，本片勝在不扮高深，要你笑完就算。反而戲入面講，AI時代，ChatGPT是厲害，但非無敵，會跣你，弊在不會變通，要你硬食佢個資料庫，閣下照單全收就大件事。朴智炫點解有兩個身份？就是為了生活而靈活變通，做人嘅嘢，見招拆招先有無限可能！
頭條戲場
朴智炫、崔始源都幾合襯。
朴智炫、崔始源戲中有意無意講有味笑話。
崔始源、成東鎰做下靶好成功。
群戲出色，朴智炫兩個朋友黃世溫（左）、薛宇仁（右）好搶鏡。
朴智炫表情多多，有觀眾緣。
朴智炫世一！
更多文章
