關志康 - 皇帝女 嫁得好 分得少 | 神耆商機
關志康
2024-11-11 02:00
字體大小
筆者有次和一班老闆談及考慮起立遺囑，有位老闆話：「交代『身後事』始終唔吉利，因此都唔想諗遺囑嘅安排，就算要搞，如何公平分配也是一大難題。其實，錢係自己努力搵來，最好自己食多啲、使多啲，用晒就唔使爭、唔使煩。」
美國有研究顯示，比較富裕人士（退休前有超過50萬美元）中，20年後或在其過世時，超過88%受訪人士的錢並沒有花完，更有三分一的長者退休後，其資產甚或會持續增加。當中主要原因相信是有錢人到了一定年紀，儘管醫療費用有增加，但出行、衣服、休閒娛樂等整體生活支出均呈下降趨勢，而他們每月還有股息、租金、年金等收入，因此臨終時或許會有很多積蓄和資產留給下一代。
有些老人特意不立遺囑，死後按法例分配（即配偶一半，子女平分餘下一半），免得任何一方不高興，認為父母偏心。一位富豪分享：「十隻手指雖有長短，但都係自己嘅。我見過很多情況，最生性嘅仔女，未必分得最多；有時甚至出現反高潮，竟然係不長進嘅分特別多，皆因老竇擔心佢嘅將來，怕佢唔夠錢用。」
不過，一些抱傳統觀念的老人，即使女兒很乖，也會分較少的財產給「外嫁女」。有前輩解釋：「如果個女同老公關係差，我就會留多啲畀佢，作為佢嘅『私己錢』傍身，好好保護自己。我個女嫁得咁好，個老公大把錢。我仲益佢，咪即係益佢老公，咁倒不如益自己個仔。」一位醫生回應：「陪老人家來看病的，十個、有八個都是女兒。遺囑厚此薄彼，做女嘅，口說不介意，心裏始終仍會有說不出口的失望和感慨。」
健康教育基金會主席
關志康
最Hit
更多文章
