Executive日記——將軍澳DONKI成消夜新蒲點
KellyChu
2020-11-16 04:17
字體大小
第五間人氣日本零售店驚安之殿堂（DON DON DONKI）分店，喺逆市下進駐將軍澳澳南海岸Monterey Place商場，上周三開幕以來，吸引唔少人蜂擁而至。有網民發現直至昨日凌晨，長長人龍更延伸至海濱長廊。小妹八卦後發現，唔少人係為咗去食消夜，同時趁機掃平貨，滿足一下食慾同消費慾。
將軍澳DONKI自「光棍節」雙十一正式開業後，成為市民嘅日常購物新熱點，而且熱潮未有減退，連日嚟都有好多人排隊等候入場。Kelly同將軍澳友交流後，發現將軍澳南好少餐廳會營業到深夜，而全天候二十四小時營業嘅DONKI，提供唔少熟食便當、日本小食鐵板燒、熱蕃薯、特價杯麵，同埋一叮即食嘅急凍嘢食，令該區居民突然多咗一個食消夜嘅好去處，凍凍地夜麻麻去排隊都無所謂。
除此之外，Monterey Place分店今個月推出開幕和感謝祭優惠，特價商品包括適合秋冬季打邊爐嘅日本和牛肉片和海鮮火鍋湯包、日本製化妝品、家庭用品等，同時設有兩蚊、十蚊特價區，仲有多款運動及寵物商品，又吸引咗一家大細去掃貨。
Kelly Chu
將軍澳DONKI自「光棍節」雙十一正式開業後，成為市民嘅日常購物新熱點，而且熱潮未有減退，連日嚟都有好多人排隊等候入場。Kelly同將軍澳友交流後，發現將軍澳南好少餐廳會營業到深夜，而全天候二十四小時營業嘅DONKI，提供唔少熟食便當、日本小食鐵板燒、熱蕃薯、特價杯麵，同埋一叮即食嘅急凍嘢食，令該區居民突然多咗一個食消夜嘅好去處，凍凍地夜麻麻去排隊都無所謂。
除此之外，Monterey Place分店今個月推出開幕和感謝祭優惠，特價商品包括適合秋冬季打邊爐嘅日本和牛肉片和海鮮火鍋湯包、日本製化妝品、家庭用品等，同時設有兩蚊、十蚊特價區，仲有多款運動及寵物商品，又吸引咗一家大細去掃貨。
Kelly Chu
更多文章
