Executive日記——逾百年牛奶公司宿舍 變身「薄鳧林牧場」
KellyChu
2021-03-22 04:17
字體大小
主教山逾百年地底蓄水池險遭濫拆一事，令公眾更加關注活化保育具歷史價值嘅建築物。當小妹知道，當局修復緊逾百年嘅舊牛奶公司嘅高級職員宿舍，將佢活化打造成「薄鳧林牧場」，預計今年年中完成，真係好期待。
發展局局長黃偉綸喺網誌話，宿舍將會活化成「博物館」。主樓作展覽之用，展示舊牛奶公司嘅歷史，呈現昔日牧場運作情景，展覽相關文物和器具，並會介紹薄扶林村和附近地方的歷史與文化特色。項目亦會新建一座副樓，提供烘焙和乳製品如製作芝士等的工作坊同餐飲區，畀參觀者體驗傳統食物生產方式以及現代化可持續嘅生活模式。主樓與傭工宿舍之間嘅戶外地方將增設露天劇場。
據建築師話，當時嘅外籍人士唔習慣香港潮濕天氣，所以將建築物嘅下層升高，牆上嘅「牛眼窗」有助通風防潮；屋內嘅古式壁爐、古典建築元素同木樓板等等都會保留。大家以後去薄扶林，又有好去處。
Kelly Chu
發展局局長黃偉綸喺網誌話，宿舍將會活化成「博物館」。主樓作展覽之用，展示舊牛奶公司嘅歷史，呈現昔日牧場運作情景，展覽相關文物和器具，並會介紹薄扶林村和附近地方的歷史與文化特色。項目亦會新建一座副樓，提供烘焙和乳製品如製作芝士等的工作坊同餐飲區，畀參觀者體驗傳統食物生產方式以及現代化可持續嘅生活模式。主樓與傭工宿舍之間嘅戶外地方將增設露天劇場。
據建築師話，當時嘅外籍人士唔習慣香港潮濕天氣，所以將建築物嘅下層升高，牆上嘅「牛眼窗」有助通風防潮；屋內嘅古式壁爐、古典建築元素同木樓板等等都會保留。大家以後去薄扶林，又有好去處。
Kelly Chu
更多文章
