Executive日記——醫管局營養師教整雞蛋甜品 有營又好味
KellyChu
2021-03-29 04:16
字體大小
今個星期日就喺復活節啦，唔知大家會唔會食復活蛋慶祝呢？其實雞蛋營養豐富，一隻中型雞蛋含人體九種必要胺基酸、維他命同礦物質，一般成年人可以每日食一隻。港島西醫院聯網營養部推介咗兩款蛋類甜品食譜，有營好味，Kelly都準備學整啦！
首先就大家整低脂芝士雲朵多士，要準備兩隻雞蛋、兩片方包、五克低脂芝士、各一茶匙黑胡椒及鹽；先分開蛋白同蛋黃，並將蛋白打至挺身，不規則地放喺方包上，再加上蛋黃同低脂芝士碎；預熱焗爐至攝氏一百八十度，焗六至八分鐘至蛋白呈金黃色就得啦。
講到蛋類甜品又點少得低卡伯爵茶焦糖燉蛋，先準備五十毫升低脂淡忌廉、一百五十毫升脫脂奶、兩至三個伯爵茶包、兩隻雞蛋及十克糖；將脫脂奶、淡忌廉及茶包用慢火煮滾，攞出茶包後備用；再加入由蛋黃及糖打至淡黃色嘅蛋液，攪拌均勻；將蛋漿過篩倒入碗中，蓋上保鮮紙，用中火隔水蒸十分鐘；喺表面灑上砂糖，用火槍燒至焦糖，就大功告成！
Kelly Chu
首先就大家整低脂芝士雲朵多士，要準備兩隻雞蛋、兩片方包、五克低脂芝士、各一茶匙黑胡椒及鹽；先分開蛋白同蛋黃，並將蛋白打至挺身，不規則地放喺方包上，再加上蛋黃同低脂芝士碎；預熱焗爐至攝氏一百八十度，焗六至八分鐘至蛋白呈金黃色就得啦。
講到蛋類甜品又點少得低卡伯爵茶焦糖燉蛋，先準備五十毫升低脂淡忌廉、一百五十毫升脫脂奶、兩至三個伯爵茶包、兩隻雞蛋及十克糖；將脫脂奶、淡忌廉及茶包用慢火煮滾，攞出茶包後備用；再加入由蛋黃及糖打至淡黃色嘅蛋液，攪拌均勻；將蛋漿過篩倒入碗中，蓋上保鮮紙，用中火隔水蒸十分鐘；喺表面灑上砂糖，用火槍燒至焦糖，就大功告成！
Kelly Chu
更多文章
