企業熱話——作出投訴須嚴謹 認清權責要均真
Jacky哥
2021-10-22 04:18
字體大小
投訴警察個案一經證實係蓄意虛報，投訴人可能需要負上刑責？嗱，我講嘅係真人真事，聽晚播出嘅第二集《監警最前線》就係改編自一個故意作出虛假投訴嘅真實個案！
上周六啟播嘅《監警最前線》反應不俗，聽晚劇情一樣咁精彩。今集嘅投訴人投訴被兩名警員毆打。喺投訴警察課嘅調查過程中，監警會會安排觀察員出席投訴警察課分別與投訴人、被投訴人嘅會面，以及觀察投訴警察課嘅搜證過程。究竟發現咗咩證據，證明投訴人係蓄意作出虛假投訴呢﹖而投訴人最終要面對咩嘢刑責呢？聽晚就要記得追劇喇！
獨立觀察員 客觀持平保公正
監警會唔單止審核由投訴警察課呈交嘅調查報告，仲會安排觀察員出席喺投訴警察課調查投訴個案時嘅會面，同埋證據收集工作當中，確保投訴個案整個調查係完全公平公正。而觀察員作為獨立嘅第三者，喺觀察期間必須保持持平嘅態度，唔可以作任何干預或發表個人意見，避免影響會面或證據收集。觀察完畢後，佢哋須向監警會作出匯報。如果監警會發現有任何不當之處，就會即刻向投訴警察課跟進。
目前，監警會有過百名保安局委任嘅獨立觀察員，佢哋嚟自社會各行各業，包括社區代表、金融、會計、建築、工程、教育、社會福利、法律、醫學及商界等。近年，越來越多年輕嘅觀察員獲委任加入觀察員團隊，為兩層架構投訴警察制度作出貢獻之餘，亦可以幫手喺佢哋嘅年齡層推廣監警會嘅工作，令年輕人更了解香港嘅投訴警察制度！據聞近年接近100%嘅會面同埋證據收集工作都有監警會觀察員出席，不少投訴人更會主動要求安排觀察員在場，確保投訴調查過程公正持平！
積極配合調查 投訴有權有責
投訴人嘅積極配合，對投訴機制有效運作極為重要。投訴人提供資料越及時、全面、正確和詳細，警方嘅調查就可以更加迅速同到位。投訴人亦應該提供有效嘅聯絡方法，讓投訴警察課同監警會作全面跟進。當然投訴人一定要提供真確嘅資料，投訴事項不能虛假不確，否則會負上刑責被起訴。
大家喺行使投訴嘅權利時要保持理智，唔好似呢集故事咁，投訴人因一時之氣憤而故意作出虛假投訴，導致最後要承擔法律責任。
節目預告：
10月23日星期六晚上11點30分翡翠台（81台）播出，半小時劇集《監警最前線》。
Jacky哥
■雷深如、李明憲、李紫僖在劇集中飾演審核主任。 
■監警會安排觀察員出席投訴人與投訴警察課的會面，監察落口供過程。 
■監警會觀察員觀察投訴警察課的搜證工作，確保過程公平公正。 
重溫上集內容
https://www.youtube.com/user/ipccchannel 
玩遊戲送小禮物
https://qrgo.page.link/68rWc
上周六啟播嘅《監警最前線》反應不俗，聽晚劇情一樣咁精彩。今集嘅投訴人投訴被兩名警員毆打。喺投訴警察課嘅調查過程中，監警會會安排觀察員出席投訴警察課分別與投訴人、被投訴人嘅會面，以及觀察投訴警察課嘅搜證過程。究竟發現咗咩證據，證明投訴人係蓄意作出虛假投訴呢﹖而投訴人最終要面對咩嘢刑責呢？聽晚就要記得追劇喇！
獨立觀察員 客觀持平保公正
監警會唔單止審核由投訴警察課呈交嘅調查報告，仲會安排觀察員出席喺投訴警察課調查投訴個案時嘅會面，同埋證據收集工作當中，確保投訴個案整個調查係完全公平公正。而觀察員作為獨立嘅第三者，喺觀察期間必須保持持平嘅態度，唔可以作任何干預或發表個人意見，避免影響會面或證據收集。觀察完畢後，佢哋須向監警會作出匯報。如果監警會發現有任何不當之處，就會即刻向投訴警察課跟進。
目前，監警會有過百名保安局委任嘅獨立觀察員，佢哋嚟自社會各行各業，包括社區代表、金融、會計、建築、工程、教育、社會福利、法律、醫學及商界等。近年，越來越多年輕嘅觀察員獲委任加入觀察員團隊，為兩層架構投訴警察制度作出貢獻之餘，亦可以幫手喺佢哋嘅年齡層推廣監警會嘅工作，令年輕人更了解香港嘅投訴警察制度！據聞近年接近100%嘅會面同埋證據收集工作都有監警會觀察員出席，不少投訴人更會主動要求安排觀察員在場，確保投訴調查過程公正持平！
積極配合調查 投訴有權有責
投訴人嘅積極配合，對投訴機制有效運作極為重要。投訴人提供資料越及時、全面、正確和詳細，警方嘅調查就可以更加迅速同到位。投訴人亦應該提供有效嘅聯絡方法，讓投訴警察課同監警會作全面跟進。當然投訴人一定要提供真確嘅資料，投訴事項不能虛假不確，否則會負上刑責被起訴。
大家喺行使投訴嘅權利時要保持理智，唔好似呢集故事咁，投訴人因一時之氣憤而故意作出虛假投訴，導致最後要承擔法律責任。
節目預告：
10月23日星期六晚上11點30分翡翠台（81台）播出，半小時劇集《監警最前線》。
Jacky哥
更多文章
