KellyChu - 《霸王別姬》4K版本上演 ArtCan重溫哥哥迷人風采｜Executive日記
KellyChu
2023-09-13 00:00
字體大小
哥哥張國榮嘅經典作品，多不勝數，其中1993年嘅《霸王別姬》，非常迷人，Kelly念念不忘。呢部被視為哥哥嘅代表作，即使30年過去了，大家仍然沉醉喺佢嘅細緻演出。
《霸王別姬》由陳凱歌執導，改編自李碧華嘅同名小說，講述由張國榮飾演自幼被訓練為京劇男旦嘅程蝶衣，與一齊成長嘅師兄段小樓之間一段複雜而淒美嘅感情。最近湯臣（香港）電影公司與香港電影資料館為影片進行了4K數碼修復，讓經典昇華，喺9月30日上映兩場。
門票開賣當天，秒殺售罄，粉絲以行動表示對哥哥嘅無限懷念同致敬。
電影除咗哥哥張，仲有張豐毅、鞏俐、葛優主演，精英班底空前絕後，令《霸王別姬》30年來屢獲國際殊榮，亦係第一部亦都係迄今唯一獲康城影展金棕櫚獎嘅華語電影，被《時代》雜誌評為「百大不朽電影」之一。Kelly明日周四會一早去撲份隨《星島日報》附送嘅ArtCan，收藏存念！
Kelly Chu
更多文章
