KellyChu - 遭釣魚線纏困水中終獲救 麻鷹「小新」放歸大自然｜Executive日記
KellyChu
2023-09-18 00:00
字體大小
動物不時會誤中陷阱被困受傷，嘉道理農場暨植物園上月便接收咗一隻被釣魚線扯住、不能動彈嘅年幼麻鷹，經拯救後將佢起名為「小新」（見圖），帶回新田野放，Kelly都戥佢高興。
「小新」喺8月13日於元朗新田一個魚塘捉魚，點知條魚被連接喺魚塘底嘅釣魚線扯住，「小新」不斷拉扯，直到筋疲力盡後跌落水，幸獲一名漁民救起，並致電愛護動物協會求助。愛協將牠帶到嘉道理農場野生動物拯救中心，動物護理員幫佢擦乾身體，並注射皮下液體以補充水分，佢不久就變得活躍靈敏。獸醫團隊翌日再幫「小新」身體檢查，經過10天療程後，便帶佢去新田野放。
護理員事前喺「小新」腿上安裝金屬環，並喺雙翼配上標示「63」標籤，有助研究人員進一步了解本地麻鷹嘅行為。
Kelly Chu
更多文章
