Cally - 恒隆＋女青「智愛無垠」認知友善計劃 第三年舉辦社區共融日 提供免費健腦諮詢及認知檢測｜商界講呢啲
Cally
2023-11-03 00:00
字體大小
本港認知障礙症患者人數每年攀升，更有年輕化嘅趨勢，但係社會大眾對於患者仍存在好多誤解。為咗推廣認知友善，恒隆地產連續第三年與香港基督教女青年會（「女青」）合辦《恒隆＋女青「智愛無垠」認知友善計劃——社區共融日》，11月4至5日喺淘大商場提供健腦諮詢及認知檢測站，免費為長者做認知測試及介紹社區資源，並為有需要人士提供轉介服務，同場亦會展出由認知障礙症長者與照顧者及義工一齊創作嘅藝術品。社區共融日亦會喺11月11至12日移師康怡廣場，進一步喺社區內推廣及早檢測同認知友善。關心身邊長者認知狀況嘅你，記得推介俾老友記參與！
今年嘅社區共融日以「遨遊飛翔」為主題，將會展出由認知障礙症患者、照顧者同埋義工創作嘅紙鷂，襯埋香港著名景點嘅城市景貌，表達認知障礙症患者喺獲得支援後就可以自由自在咁喺社區生活。場內設有「認知友善藝術廊」，圍繞衣食住行主題，展出由認知障礙症患者同照顧者創作嘅黏土點心、藍曬擺設、紓壓畫等藝術作品，俾公眾人士欣賞患者嘅創作能力，同埋喚起公眾對照顧者身心健康嘅關注。活動啓動禮當日，除咗有照顧者親身分享照顧認知障礙症患者嘅生活點滴，更會邀請《大銀》總監陳曉蕾女士分享社區對照顧者提供各方面嘅資源與支援。另外，淘大商場及康怡廣場嘅指定商戶更會於活動期間推出長者消費優惠，鼓勵長者保持活躍。咁有意義嘅活動，相信會吸引好多社區人士參與。
Cally
最Hit
大家樂$30/半斤叉燒回歸！加碼$10加配小食拼盤 上回網民力讚「好到難以置信」
2024-09-19 12:46
大家樂長者優惠｜一連七日加碼3大折扣 晚市減$8/免費雞翼 長者咭/樂悠咭都有份！
2024-09-19 12:48
香港落後的「職場藝術」？ 港漂職前不解港人偏愛用電郵辦公 入職後列4點大讚：現在真的理解了
2024-09-19 15:37
更多文章
