Cally - 社企民間高峰會2023 透過跨界創造 實現福祉永續｜商界講呢啲
Cally
2023-11-03 00:00
字體大小
第16屆社企民間高峰會昨日喺香港灣仔會議展覽中心正式揭幕，今年主題係「跨界創新 福祉永續」，希望令大眾關注可持續福祉，並聚焦喺社會共融、營商為善及環境永續等關鍵議題。
大會邀請到來自世界各地超過七十位專家、學者及商界代表擔任演講嘉賓，分享福祉喺建立繁榮同永續社會中發揮嘅關鍵作用，並探討點樣喺跨界協作下，實現福祉永續。
高峰會籌備委員會主席容蔡美碧喺開幕禮致辭時表示：「過去三年疫情揭示身心靈健康嘅重要性。社會復常後各行各業偏重追求經濟增長，容易忽略大眾福祉，故此我哋以『Sustainable Wellbeing+ 跨界創新 福祉永續』為主題，並將會深入探索全民福祉於建立繁榮永續社會嘅角色，強調社會、經濟和環境因素嘅相互影響，對提升生活質素至關重要。」
主禮嘉賓香港特別行政區房屋局局長何永賢表示，房屋議題一直受各界關注，今屆高峰會正好俾跨界別人士有機會喺不同領域中探討實現福祉永續嘅方案，為香港構建可持續未來。
而另一主禮嘉賓香港特別行政區民政及青年事務局副局長梁宏正提到，近年愈來愈多年輕人希望以自身力量回饋社會，特區政府非常樂見年輕人加入社創行列，透過打破固有商業框架，推動社會創新。未來特區政府將會繼續支持社企持續發展，以促進跨界別協作方式，提升社企能力，並鼓勵社會各界及市民大眾支持社企。
Cally
更多文章
