KellyChu - 鼓勵食客齊齊守護生態 亞博食肆「綠」餐單響應「環保海鮮週」｜Executive日記
KellyChu
2024-02-01 00:00
字體大小
位於赤鱲角嘅亞洲國際博覽館近年成為多個大型演唱會首選場地，唔少歌迷到訪時都鍾意去館內嘅高級中菜廳《澐 ·NUVA》獵食，NUVA最近亦響應世界自然基金會香港分會（WWF-Hong Kong）「環保海鮮週」倡議，提供多款可持續食材，讓食客品嘗到美味中菜同時守護海洋生態。
NUVA環保餐單超吸引
海鮮已成為港人日常飲食中不可或缺部分，據聯合國糧農組織統計，每名港人每年平均消耗約65公斤海鮮，消耗量高踞亞洲第三。龐大需求對海洋影響深遠，所以WWF-Hong Kong每年都會舉行「環保海鮮週」，旨在提高公眾對環保海鮮嘅認知。
今年嘅「環保海鮮週」為1月20至28日，正值企業晚宴旺季，亞博主動推薦主辦單位採用環保海鮮食材，並合力加入公眾教育環節，《澐 ·NUVA》及多國菜西餐廳《Arena Kitchen》均推出環保餐單，採用本地環保及得到認證嘅可持續海鮮生產商供應之海鮮，為食客提供多元選擇。
環保海鮮包括加拿大比目魚、澳洲鱸魚、加拿大帶子、印度虎蝦等等，大廚以其炮製多款色味俱佳嘅菜式，透過多元化佳餚號召饕客支持環保！小妹在此都鼓勵大家選購海鮮或點餐時，可參照WWF嘅海鮮選擇指引，作出精明選擇。查閱海鮮選擇指引：bit.ly/47YEguz
Kelly Chu
更多文章
