KellyChu - 沙田推首個對角行人路試點 街坊大讚方便好多｜Executive日記
KellyChu
2024-02-01 00:00
字體大小
運輸署觀察到本港部分十字路口，有唔少行人會「打斜」過馬路，評估過車流、人流等因素後，噚日率先於沙田沙角街與逸泰街路口，推出全港首個對角行人過路處試點，街坊都大讚方便咗好多！
路政署工人喺該十字路口處畫上打斜嘅黃色斑馬線，對角位亦裝咗顯示紅綠公仔嘅交通燈，為行人提供過路指示。多位街坊對實施對角式過路表示歡迎，指附近有街市又有屋邨，好多人日日趕返工、趕買餸，以前過完一盞燈，第二盞又要等，現時慳返幾盞燈時間，方便好多，長者更加可以行少幾步。
尖沙咀加拿分道與加連威老道交界亦預計會喺今年中推行對角行人過路處，運輸署觀察兩個試點嘅情況後，將再考慮未來規劃方向。
Kelly Chu
更多文章
