KellyChu - 何永賢夜訪深水埗劏房戶有決心解決劣質居住環境 | Executive日記
KellyChu
2024-03-14 02:00
字體大小
房屋局局長何永賢周二晚聯同財政司副司長黃偉綸，以及立法會議員鄭泳舜、深水埗區議員劉佩玉，一齊到深水埗夜訪劏房戶。何永賢話，佢哋探訪嘅兩個住戶都住喺環境較差嘅分間單位，其中一個單位仲長期有老鼠出沒，令佢哋更有決心要做好解決劏房問題工作，強調會把握10個月嘅時間，針對唔符合最低標準嘅劏房提出取締方法。
去年《政施報告》公布成立「解決劏房問題」工作組，由黃偉綸擔任組長，何永賢擔任副組長，工作組有10個月時間為劏房居住環境設定最低標準及提出取締方法。
兩位組長到深水埗視察劏房居住環境，其中一個住戶係一位媽媽帶住女兒，住喺一個廚廁合一嘅100呎劏房；另一位獨居伯伯就住喺40呎嘅板間房，要同其他人共用廚廁，單位內燈光昏暗，更長期有老鼠出沒。何永賢指，雖然伯伯已獲派公屋，但仍十分掛心其他住戶。
4位喺探訪期間，除咗關心劏房租務管制嘅實施能否保護住戶權益，亦積極介紹現有嘅過渡性房屋選擇，及明年第一季起陸續落成嘅簡約公屋，希望住戶可以鼓起勇氣為生活作出改變。
另外，昨日立法會議員洪雯在質詢時指，有年輕人為排公屋而放棄工作，令唔想「躺平」嘅年輕人對社會失去希望。何永賢回應指，公屋設計並非鼓勵年輕人一畢業就去排，建議年輕人應向置業階梯更高點進行規劃，又說「早排係唔會有咩着數」，更會限制其資產同埋收入。
KellyChu
其中一個單位嘅劏房住戶需要共用廚廁。
最Hit
75歲前TVB綠葉王罕談沉迷賭博直認「賭很大」 家世顯赫初入行已揸名車
2024-09-27 14:00
惠康一連7日免費大派3款中式糖水雪糕杯！薑汁撞奶/椰香厚奶/陳皮紅豆沙口味雪糕 附領取步驟
2024-09-26 17:05
更多文章
