連鎖店早餐優惠｜7大食肆最平$18有交易！KFC粥/大家樂三寶配炒麵/意粉屋沙嗲牛
發佈時間：13:00 2024-11-16
連鎖店早餐優惠｜香港餐飲業競爭激烈，各大連鎖食肆不斷推陳出新，以優惠吸引更多顧客，除了有大家樂、麥當勞等抵食套餐外，主打西式食物的KFC及意粉屋更「踩過界」推出中、港式早餐，最平$18便享用！即睇7間連鎖店早餐優惠合集！
連鎖店早餐優惠合集！7大餐廳最平$18歎粥配油炸鬼 KFC/大家樂/麥當勞
點擊睇7大連鎖餐廳早餐優惠詳情：
快餐店早餐優惠｜1. KFC 家鄉雞粥/粟米粥配油炸鬼$18起
向來主打炸雞及漢堡包等速食的KFC近日就推出「早！歎到粥」早餐系列，提供暖笠笠的中式粥品，包括香蔥雞絲粥、香蔥粟米粥及香蔥家鄉雞粒粥三款選擇，其中香蔥家鄉雞粒粥加入以KFC的招聘家鄉雞粒，搭配創新。
「早！歎到粥」套餐除了粥品外，亦會配上外皮酥脆、內裡軟韌的香脆油炸鬼，以及採用錫蘭紅茶沖製的香滑奶茶，價錢由$18起，相當抵食，顧客還可以加$5升級飲品至特濃鮮豆漿，攝取更豐富的營養！
早餐優惠｜2. 大家樂 早餐三寶配炒麵快閃價$28
大家樂不定時都會推出餐飲優惠回饋顧客，而在最新一輪的「天天超值慳GI選」優惠當中就有早餐三寶套餐，$28可以食齊腸仔、火腿、午餐肉配豉油皇炒麵及香滑熱奶茶。由即日起至11月22日，只要於平日早市時段（公眾假期除外）到全線大家樂任何一間分店即可享用！
早餐推介｜3. 松屋 x 出前一丁 港式公仔麵餐
日本牛肉飯三大名店之一的松屋 Matsuya月前在香港開設首店後，備受港人歡迎，而店方亦有積極研究港式飲食文化，與出前一丁合推出「太陽蛋燒牛五花一丁」早餐，彈牙出前一丁配上肥美的燒牛五花和流心太陽蛋，豐富美味，價錢亦只需$38。
連鎖餐廳早餐｜4. 吉野家 趕時間必買！潛艇包$20就食到
朝早趕返工返學，未必有時間安坐餐廳內歎返個靚早餐，吉野家全新推出「潛艇包系列」就適合一眾趕時間的港人邊行邊吃。潛艇包配指定飲品$20起，自選芝士牛肉及午餐肉炒蛋兩款口味，方便快捷又飽肚！
*「潛艇包系列」供應分店：灣仔台山中心、灣仔新鴻基中心、中環大昌大廈、觀塘寧晉中心、慈雲山中心、九龍塘又一城、長沙灣廣場、奧運奧海城、荃灣富華中心、粉嶺名都商場、上水站
5. 意粉屋 The Spaghetti House 港式風情早餐 沙嗲牛／姜絲豬膶麵
主打西式食品的意粉屋 The Spaghetti House 近日大玩新搞作，推出港式風情早餐「煲仔沙嗲牛麵」及「煲仔姜絲豬膶麵」，價錢由$42起，於將軍澳 PopCorn 分店早上8時至11時半限定供應，吸引不少麵食愛好者幫襯。
6. 麥當勞 超值早餐$22起／蕃茄濃湯扭扭粉系列減$3
麥當勞早餐由早上4時起至11時供應，不論是平日上班還是周末假期都可以食到！於McDonald's手機應用程式內更可以領取多張早餐優惠券，包括星期一至五醒晨超值選$22起，自選炒雙蛋飽、豬柳蛋漢堡或魚柳飽配飲品；週末雙人早餐；蕃茄濃湯扭扭粉系列減$3等。
7. 一粥麵 碎牛粥配炸兩 早餐價$38
一粥麵優惠早餐再度回歸！是次推出「羊城腸粉套餐」由即日起至11月21日供應，$38便可享用香茜冬菇碎牛粥配蔥花炸腸，香茜冬菇碎牛粥綿密暖胃，搭配嫩滑的碎牛和冬菇，再加上蔥花炸腸的點綴，每一口都充滿層次，抵食又滿足。
*「羊城腸粉套餐」不適用於上水彩園分店、香港站、機場及屯門醫院分店
資料來源：KFC、大家樂、松屋、吉野家、意粉屋、麥當勞、一粥麵
同場加映：4大快餐店平價餐攻略！港人點評必點vs中伏早午晚餐 讚1種叫法「抵過兩餸飯」
