林月庭 - 美味鮑魚 | 甘美人生
林月庭
2024-06-03 02:00
字體大小
膽敢在「阿一海景飯店」採用罐頭鮑魚炮製一夜盛宴，食客來自各著名食府的大廚，甚麼罐鮑牌子如此「把炮」？就是產自墨西哥的野生捕獲鮑魚「鮑中寶」以及它的姐妹品牌「君宴」南非罐裝鮑魚，吃得大家津津有味。
觥籌交錯，好友一夜歡聚，真正的夜繽紛，氣氛好，功勞來自鮑魚的鮮味。
是夜菜單如下：鮑中寶墨西哥鮑魚刺身伴黑魚子、原隻南非鮑魚酥、懷舊千島汁蝦多士、鮑汁扣原隻南非鮑魚配鵝掌、鴻運脆皮炸子雞、薑汁魚鬆炒芥蘭、澳洲鮑魚伴蔥油撈麵，招牌砂鍋炒飯和壽桃，當中幾碟用上「鮑中寶」姊妹品牌「君宴」的南非細鮑，一樣嫩滑鮮味。
個人最鍾意鮑汁扣原隻南非鮑魚配鵝掌，鮑汁的鮮味扣入軟糯的鵝掌，起了神奇的化學作用。
席中食家好精靈，見桌上多了一份，急忙話：「我食多隻鵝掌吖，大家食埋隻鮑魚啦！」真係識食。
不過隻鮑仔也不弱，香滑鮮甜，少少啜口，係罐鮑之最，大家當然唔畀侍應收回啦。
林月庭
最Hit
國家補貼｜香港人持回鄉證經「雲閃付」買手機/家電享最多¥2000折扣券！附深圳國補申請教學及領取條件
2025-02-03 20:04
前TVB花旦仙氣星二代 嬌滴滴竟然紮鐵砌磚！曾上榜民選「靚到癲女明星」
2025-02-03 21:00
更多文章
