胡慧沖 - 支持香港電影 | 筆泰沖動
胡慧沖
2024-06-21 02:00 HKT
字體大小
所謂支持香港電影除咗係要買飛入場睇港產片之外，其實仲可以去西灣河嘅香港電影資料館，睇吓佢哋嘅收藏同埋活動。舉例現時就搞緊一個《香港電影預告片珍藏展》，由1950年代至近年一啲精彩港產電影預告片都可以喺裏面睇得到，同場亦有一些有關於港產片的資訊、劇照甚至戲橋公開。所謂電影戲橋，即係當年入戲院之際可以免費索取嘅一張紙，紙上簡單印有電影海報和故事大綱。這個香港電影資料館對於港產片影迷嚟講，實在係一個朝聖嘅好地方。
事實上電影資料館樓上也有個類似圖書館的地方，可以給電影發燒友在這裏預約看一些經典港產片、粵語長片，而且裏面亦有好多有關於香港電影嘅書籍，甚至乎上世紀60至90年代嘅電影雜誌都可以喺呢度搵到，絕對係娛樂與資訊並重！
自己對當年的港產片、粵語長片有無限感情，所以今次返香港專誠到此行咗一轉，可謂獲益良多。有興趣的朋友都可以去參觀吓支持吓，回味曾經為我們帶來無限歡樂的香港電影。
而剛才所講的這個電影預告片展覽，會一直舉行至11月3日，免費入場，但留意資料館逢星期二休息（公眾假期除外）。
一個住在曼谷超過十年的香港人，人稱泰國通。
胡慧沖
最Hit
中年好聲音3｜瘋傳三甲已內定黃博僅得亞軍 車婉婉指「冠軍」有進步：叫現場觀眾咪爆賽果
2025-04-28 17:07 HKT
長壽飲食｜92歲婆婆教跳舞不言休 公開6大長壽習慣 早餐必吃這食物！
2025-04-28 10:41 HKT
謝霆鋒演唱會2025｜「TVB三億駙馬」與謝霆鋒曾是出生入死「兄弟」 撞期開騷台上嘆：你哋唔睇謝霆鋒嚟睇我
2025-04-27 18:00 HKT
金像獎2025｜陳法拉破天荒「癡線式」赤腳尖叫頒獎 與張家輝跑上台無厘頭對話全場拍掌
2025-04-28 14:58 HKT
更多文章
