Cally - 新都會廣場Pet Park 8月開幕 常設於L5平台 近二千呎大型寵物公園加開泡泡派對 | 商界講呢啲
Cally
2024-08-16 02:00
字體大小
毛孩地位今非昔比，個個主人都當係心肝寶貝，周末同假期仲要悉心安排節目同佢哋去放電玩餐飽。 假如家住荃灣及葵青區，毛孩主人就要留意葵芳新都會廣場打造荃葵青區內首個常設於商場、佔地1,800平方呎嘅寵主同樂大型綜合設施Pet Park， 已定喺8月17日開幕， 並常設於商場L5平台。Pet Park以Pets Glamping為設計概念， 全場鋪滿綠油油人造草皮，模擬大自然柔軟嘅土地，遊樂設施仲特意使用天然原木色色調， 感覺更貼近森林氣息，相信毛孩會玩得更投入。
常設寵物公園合共有3大區域、6大歷奇玩樂點讓寵物盡情放電，「打卡區」擁有3米高巨型毛孩打卡裝置及12米長霓虹森林搖椅打卡牆，適合主人喺愛寵瘋玩前率先拍下美照打卡；至於「歷奇區」擁有畀毛孩鑽出鑽入、跑前跑後、跳高跳低嘅獨木橋隧道同跳台跑道等，勢必成毛孩放電打卡嘅新熱點！
為慶祝Pet Park開幕，新都會廣場由8月17日至9月22日推出《寵愛夏日 Bubble Paw-ty》企劃，喺商場L4露天廣場打造5大期間限定玩味打卡位，包括逢星期六、日出動嘅5呎高巨型泡泡槍，定時噴出寵物專用嘅無害泡泡，而周末更為毛孩同寵主帶來驚喜度十足嘅「泡泡狂歡派對」，畀主人同毛孩齊齊消暑降溫！另更有多個期間限定活動，包括8月17日嘅「狗狗才藝選拔賽」，畀一眾狗狗展現優秀才華爭取豐富獎品，仲有「專業拍照服務」，喺指定日子只要追蹤及讚好新都會廣場社交媒體，即可獲專業攝影師操刀之即影即有沙龍照一張！
地址︰新都會廣場L5平台
開放時間︰早上10時至晚上10時
查詢：2429 6500
新都會廣場打造荃葵青區內首個常設於商場、佔地1,800平方呎嘅寵主同樂大型綜合設施Pet Park，將常設於商場L5平台。
最Hit
更多文章
