KellyChu - 大人細路零距離接觸珍稀爬行類動物 美利酒店推沉浸式冒險 | Executive日記
KellyChu
2024-08-23 02:00
字體大小
內地流行劇本殺，參與者可以一邊食飯，一邊玩角色扮演遊戲，活動內容豐富好玩。中環美利酒店亦引入類似的沉浸式體驗，同本港移動動物園Jurassic Garage合作，為大人細路帶嚟動物奇遇之旅，親親大自然珍稀動物。
嚟緊星期日25號，家長帶同小朋友喺美利酒店享用自助早午餐，可體驗一場與奇珍異獸嘅大冒險！現場有Jurassic Garage嘅工作人員，向小朋友介紹非洲烏龜麥克斯、非洲牛蛙賈巴等珍稀爬行類動物，仲有可愛嘅小刺蝟同小兔兔，零距離互動接觸，喚起小朋友探索冒險精神，好有意思。
現時港人愛北上消費，市道唔好之際，商家就要出招吸客，尤其把握暑假呢個黃金檔期。將珍稀野生動物帶入都市內嘅酒店，Kelly認為呢個idea相當新奇有趣，令家庭聚餐升級為親子共處好時光，享受美食之餘，小朋友亦對大自然有多一分認識和感受。
其實美利酒店亦係全港第一間容許寵物入住嘅酒店，每間客房最多可容納2隻狗或貓，客人仲可以帶埋寵物一齊喺酒店內用膳。如此開明嘅動物友善政策，喺唔少港人都有養寵物嘅現況下，值得推廣及參考，創造更多商機。
KellyChu
家長同小朋友可以零距離互動接觸動物。
更多文章
