KellyChu - 旅發局夥「大眾點評」 介紹香港美食店 | Executive日記
KellyChu
2024-08-23 02:00
字體大小
擁有8億用戶嘅內地一站式生活消費平台「大眾點評」，日前公布港澳及海外地區必吃榜，香港有多達39間餐廳上榜，榮登內地以外最多餐廳上榜之城市，「美食之都」地位再度獲得肯定。旅發局因此計劃同「大眾點評」加強合作，向旅客推介香港美食。
旅發局未來計劃與「大眾點評」加強合作，向旅客推介最新、最全面嘅本地美食資訊、餐廳指南、獨家飲食情報等，借助「大眾點評」龐大嘅用戶基礎和影響力，展現香港豐富美食風貌，激發旅客嘅訪港興趣，選擇呢座「美食天堂」作為佢哋嘅下一個旅遊目的地。
旅發局副總幹事葉貞德指，香港嘅美食應有盡有，係宣傳旅遊嘅其中一張最佳名片，「大眾點評」亦係內地客尋覓美食嘅必備之選，深信隨着香港繼續擦亮其「美食之都」嘅金漆招牌，定能吸引更多內地及海外旅客和美食愛好者慕名而來。
KellyChu
更多文章
