KellyChu - 「黑白大褸」好搶眼 港產大熊貓姐弟 同框睡姿超萌 | Executive日記
KellyChu
2024-10-02 02:00
字體大小
由盈盈樂樂誕下嘅龍鳳胎，成為香港第一對港產大熊貓，現時家姐細佬嘅「黑白大褸」已經成形，可以自己調節溫度適應環境，毋須再留喺保溫箱。海洋公園周一首次發布兩姐弟同框瞓覺嘅相片，兩隻BB喺床上郁嚟郁去，十分可愛，融小妹同一眾網民喇。
家姐細佬出世嘅時候非常脆弱，毋須留喺保溫箱由媽媽盈盈以及專家護理團隊悉心照顧。佢哋9月14日滿月時，身上毛髮開始變得濃密，開始能夠自行調節體溫，慢慢適應離開保溫箱嘅生活。海洋公園當時指，BB正處於「暴風式成長」階段。
周一嘅新相見到，暴風式成長嘅佢哋開始有啲肉地，圓碌碌嘅可愛身形以及「黑白大褸」已經成形，兩隻BB一齊喺床上瞓覺，郁嚟郁去，非常之得意，冧爆唔少網民。大家紛紛留言大讚好可愛好溫馨！
平時兩姐弟由盈盈及飼養員輪流照顧，點解會同框瞓覺嘅呢？海洋公園話，當時細佬係趁住盈盈去「me time食嘢」時，回來磅重，順便同家姐短聚。
大熊貓BB至少要1個月先可以睇到嘢，2個月後先可以聽到聲音，相信家姐細佬都係第一次咁近距離相認，但已經同對方非常close喇。Kelly期待過多2個星期佢哋聽到聲音後會有咩互動呢。
KellyChu
更多文章
