KellyChu - 羅淑佩分享生活軼事 公屋成長助力工作 | Executive日記
KellyChu
9小時前
字體大小
因打擊濫用公屋被網民讚「做到嘢」嘅人氣署長羅淑佩，昨日上電台節目分享生活軼事。佢提到爸爸係一位的士司機，以及自幼喺公屋成長嘅背景，對曾擔任運輸署署長和現時成為房屋署署長都帶嚟幫助。
羅淑佩憶道，自細已體會到的士行業嘅辛酸，每年大年初一都唔會見到爸爸，因為爸爸去咗賺錢，要到年初六或初七先有得去爺爺度拜年，但大個咗知道揸的士係一份唔容易嘅工作，作為被呢個行業養大嘅人，其實係更希望去改善不足。
羅淑佩3歲起同爸爸媽媽搬入已拆卸重建嘅石蔭邨，一住就係廿幾年。佢話當年一位好朋友住另一座，大家屋企可以對望，見佢屋企熄咗燈就唔會打電話過去，咁樣嘅相處好親切。入政府工作後，羅淑佩有幸被送到美國史丹福大學進修，形容該段經驗令自己對自己更加有信心，就算公屋成長亦不會比別人差。
作為「Hellosss」，羅淑佩表示欣賞Ian嘅才華，坦言唔明點解有喜歡嘅偶像就變咗「追星」，去到呢個年紀都可以做自己鍾意做嘅事。佢亦自爆有新偶像，國家隊訪港期間有同馬龍握手影相，好開心。
KellyChu
最Hit
