KellyChu - 產區遍布中華多地 各顯香醇妙韻 美酒佳餚巡禮29國產酒莊「晒冷」好酒 | Executive日記
KellyChu
2024-10-15 02:00
字體大小
近年中國酒開始受到環球市場注目，即將於下周三舉行嘅「香港美酒佳餚巡禮」亦將中國展區攤位數目擴大至22個，共吸引到29個知名中國酒莊將佳釀帶嚟香港，其中22個酒莊都係今年新加入，而產酒區更係遍布寧夏、新疆、陝西、四川、貴州、雲南等地。
香港股市白酒第一股珍酒李渡有限公司旗艦品牌「珍酒」亦有參展。「珍酒」始建於1975年，專注製造次高端醬香型白酒產品，選用遵義產嘅紅纓子高粱、小麥、水為原料，酒體醇厚，層次豐富。其中「珍酒．珍三十」屬珍酒高檔年份酒系列尊享之作，純糧釀造、真材實料、以酒勾酒，醬香突出、陳香優雅怡人、餘韻悠長，入場記得品嘗返杯。
中國「遊牧酒莊」先驅「小圃釀造」今年都再度參展，佢哋同寧夏、雲南、四川、河北、甘肅、內蒙古唔同葡萄種植者合作，釀造嚟自中國風土，又極具創意嘅自然風格葡萄酒，係中國最早開始釀造橙酒嘅品牌之一。由米芝蓮餐廳Ultraviolet、泰安門Taian Table，到北京王府井東方文華、上海鏞舍、靜安香格里拉大酒店，都可以搵到小圃嘅身影。
其中，「小圃大橘大利，2022」係一款以霞多麗白葡萄浸皮釀造嘅橙酒，葡萄嚟自青銅峽嘅鴿子山以及銀川嘅金山，有鹽漬檸檬、金銀花、鳳凰單叢風味，呈現出圓潤嘅口感、濃郁嘅味道以及合適嘅酸度，適合輕微冰鎮，目前喺中環中菜館「永」及香港四季酒店嘅米芝蓮三星法國餐廳「Caprice」都有供應，不過喺美酒佳餚巡禮就只需1張品味劵就能夠淺嘗。
香港專業品酒師協會主席周國明話，中國酒勢力近年於酒界躍升，越嚟越多人對國產酒有興趣，美酒佳餚巡禮係大家能夠一站式品嘗多款國產酒嘅絕佳場合。
KellyChu
小圃大橘大利，2022
珍酒．珍三十
更多文章
