KellyChu - 旅議會推動「滿Fun」盛事旅遊 內地APP介紹 深度遊14特色路線 | Executive日記
KellyChu
2024-10-23 02:00
字體大小
政府銳意發展盛事旅遊經濟，旅遊業界亦發揮創意，進一步推進「香港無處不旅遊」。香港旅遊業議會就聯同酒店、零售和餐飲業等機構，推出「盛事旅遊Link滿Fun」計劃，喺內地手機應用程式上，為旅客提供赴港旅遊團。議會話，依家已有14條旅遊路線，共6間旅行社參與，路線涵蓋唔同主題，包括都市傳說、綠色旅遊、飲食文化等，都係具香港特色嘅深度遊行程，亦會安排團友參與本港盛事，並到商場消費。
香港零售管理協會主席謝邱安儀就話，目前有5間商場參與計劃，會為旅客提供專人接待、購物優惠及贈送小禮物等，促進旅客消費，望旅客有更好嘅消費體驗。佢強調，旅行團唔會強制旅客消費，亦唔會規定旅客要去邊啲商戶，「旅客可自由發揮」。佢相信，今次計劃可吸引更多團客到商場消費，業界亦有足夠承載力。
另外，為慶祝國慶75周年，九龍東潮人聯會會喺周五起一連3日，喺黃大仙舉辦潮式嘉年華「潮IN黃大仙」，屆時將設16個攤位，展示潮式美食、非遺技藝等，市民可免費入場，親身體驗潮汕文化。
Kelly覺得，要推動盛事旅遊經濟，真係要業界發揮創意，就好似特首李家超話齋：「唔好等，一齊做，幹起來，做實事，一行一行幹起來」。
KellyChu
更多文章
