Cally - 全港最大型戶外社企市集 本周四回歸中環花園道三號 | 商界講呢啲
Cally
2024-11-25 02:00
字體大小
聖誕節愈來愈近，本周四在冠君產業信託旗下的中環花園道三號將會舉辦全港最大型戶外社企市集Christmas Sharelebration! 2024聖誕社企市集嘉年華，整個活動會有20多個社企參與，大家可以買禮物支持良心消費，大玩工作坊同睇表演，仲可以同巨型積木打卡！
冠君產業信託行政總裁侯迅就話：「冠君產業信託作為『超級聯繫人』，一直與志同道合者共享知識，創造共享價值，又積極發展兼具社會及商業效益嘅項目。去年首次舉辦嘅聖誕社企市集得到社會各界支持，所以今年將繼續連繫商界同社企，提倡『商社共贏』，共同推動租戶、社區及公眾支持社企發展，締造共融及可持續發展的未來。」
今次市集社企們會有各式各樣嘅心思應節食品、精美禮品同獨特嘅高質手作產品，星期六仲有多項工作坊同表演節目，例如可以近距離接觸奇珍異獸；好適合一家大細嘅魔術表演、扭波波、講故事同小丑英語劇場等。今年若喺市集消費滿$100，就會送一個心思環保購物袋，購物袋採用水溶性纖維物料，可溶於90度高溫水，用舊咗就溶咗佢，唔使加重地球負擔。而買滿$500仲會送「破指自愈」行李牌，現場有來自庇護工場嘅專人即時幫你刻字。
2024 Christmas Sharelebration! 聖誕社企市集嘉年華
│日期：11月28日至30日（中午12點開始）
│地點：中環花園道三號（免費入場）
冠君產業信託行政總裁侯迅
現場有大豆制蠟筆同聖誕小裝飾畀你免費DIY環保袋。
最Hit
香港式離婚丨70歲大美人驚喜現身展超凡氣質 連劉嘉玲都忍不住送心心眼
2024-12-25 12:00
天王嫂帶家人北上度假冇人認得？打扮低調如鄰家女孩 一舉動竟累老公捱批
2024-12-25 10:00
海鮮蒸汽鍋放題64折！150分鐘任食生蠔/聖子/M5和牛/黑毛豬 觀塘/旺角店適用
2024-12-25 13:00
更多文章
