KellyChu - 「愉景灣意式冬日慶典2024」浪漫揭幕 送8000張渡輪票 露天美酒佳餚暖入心 | Executive日記
KellyChu
5小時前
字體大小
上個星期五係二十四節氣中嘅小雪，愉景灣適逢當晚舉行聖誕亮燈儀式及巡遊表演，為「愉景灣意式冬日慶典2024」揭開序幕，連串精彩節目充滿冬日氣氛。而為迎接節慶喜悅，愉景灣宣布向市民送出8000張渡輪船票，今年更首次舉行露天聖誕美酒巡禮，帶嚟世界各地佳釀美食，齊齊開心派對。
香港興業國際推出獨家優惠，送出8000張前往愉景灣嘅渡輪船票，總值超過40萬港元。由11月23日至明年1月1日，每逢周末及12月24至26日，市民可以喺中環3號碼頭免費乘搭上午11︰30開出嘅渡輪前往愉景灣。呢個優惠必須使用八達通卡作免費入閘，並僅限單程及單一班次，先到先得。
今年首次推出嘅露天聖誕美酒巡禮由12月13日至15日，連續3天喺愉景灣酒店正門外舉行，現場設有約30檔攤位，提供意大利產區酒品、Pizza，以及聖誕特飲、意式零食、朱古力、曲奇等應節食品。可憑$180購買品酒美食通行證，當中包括兌換券3張，加購價則每張$40。
30個檔攤位之中，有部分係本地自家品牌，包括細味公平、醇香舍Sake Aroma、Rachel’s Kitchen等等，佢哋為咗今次活動，亦特別客製聖誕美酒佳餚供大家品嘗，種種溫馨滋味等緊你。
喺周末、平安夜及公眾假期下午3︰00至3︰10、晚上6︰00至6︰10，愉景北商場及愉景廣場正門外，亦會上演夢幻冬日飄雪，營造節日打卡氣氛，記得捉住呢個美景喇。
KellyChu
漫天飄雪嘅歐陸聖誕氣氛，非常浪漫。
更多文章
