Cally - 建華企業慈善跑2024 社會賢達現身支持 貫徹「建華精神」共創無限可能 團結業界扶貧濟困 | 商界講呢啲
建華集團（建華）扎根香港接近25年，一直以本地商業版圖為主，喺不同領域嘅營運及管理方面擔當重要角色，由一個商業實體發展成業務多元化嘅企業，包括零售、餐飲美食、食品貿易、資產管理、整合營銷及市場推廣等。建華肩負企業社會責任，早前（11月30日）喺香港科學園舉辦集團年度盛事「建華企業慈善跑2024」，透過運動競技推動健康生活，同時團結業界扶貧濟困，為救世軍籌款。今年集團更請嚟視后李佳芯（Ali）及一眾社會賢達現身支持，同場更有車婉婉獻唱打氣。
2024年「UC建華企業慈善跑」共有4項賽事，除咗個人10公里比賽、個人5公里比賽及親子3公里比賽外，今年新加咗個人3公里比賽，令到更多跑手可以一齊參與挑戰。活動首先由兩位明星運動員及Brian Sir帶領參賽者熱身，然後由建華集團副主席凌偉漢, MH上台致歡迎辭，連同多位鳴槍儀式嘉賓——勞工及福利局副局長何啟明, JP、立法會議員李世榮, MH, JP、立法會議員陸瀚民、商務及經濟發展局局長政治助理李世華、兩位明星運動員屈旨盈（Crystal）同埋Stephanie一齊為比賽鳴槍，10公里、5公里、3公里個人及親子賽事喺鳴槍後逐一起跑，為活動正式揭開序幕。
今次活動更得到各大合作伙伴鼎力支持，多位管理層包括領展香港租賃董事總經理霍業生、百佳超級市場（香港及澳門）董事總經理吳逸群、八達通集團行政總裁應天麒，以及中國銀行（香港）有限公司工商金融部副總經理尤向宇亦有親身到場支持打氣。
比賽後，建華凌副主席粉墨登場，先帶領多位舞動精英以「建華精神 共創無限可能」作為建華周年會議開幕表演，用啦啦隊形式展現建華嘅團結實力；然後喺台上致辭及簡介業務，再率領建華管理層以百人大合唱團形式演唱《前程錦繡》、《獅子山下》及《紅日》三首金曲，寓意眾人同心協力，香港前程一片光明，將周年會議嘅氣氛推向高峰！
女神級視后Ali及兩位明星運動員亦有上台分享跑步的經驗和準備心得。成日喺社交媒體大曬跑步趣事鼓勵大家動起來嘅Ali表示：「初初跑步係想鍛鍊心肺功能，後來我開始跑街，先至真真正正愛上跑步。面對住凹凸不平嘅路，或者強勁嘅逆風，令我了解到『心態戰勝一切』，找到內心平靜。」長跑運動員Crystal就分享長跑心得係要享受過程：「我認為最重要係愛上跑步過程，享受沿途風景，唔好太快去諗終點及勝利。雖然長跑過程漫長，要學會好好享受當下，反而可以幫你堅持完成賽事。」作為業餘跑者嘅Stephaine就建議跑者做足準備安排鍛練，嘗試喺唔同天氣情況下去實地或類似嘅路線練習，加上跑步前要做足夠熱身，可以確保用最佳狀態迎戰。
賽後，大會先後頒發3公里親子組、5公里個人組、10公里個人組、3公里全場組、5公里全場組、10公里全場組、5公里隊際組及10公里隊際組賽事，共20個組別嘅獎項；更請嚟歌手暨《中年好聲音》主持車婉婉獻唱《憑著愛》，同埋與建華歌唱比賽「UC之聲」冠亞季軍得主一齊合唱《信自己》，為「建華企業慈善跑2024」畫上完美句號。
