KellyChu - 「安安」美色惹賊人垂涎 電單車熊貓掛飾被偷 | Executive日記
KellyChu
2024-12-09 02:00
字體大小
大熊貓可愛，人見人愛，不過一名中年大叔竟喺街頭停泊嘅電單車偷走一個熊貓掛飾，車主上載閉路電視影片到互聯網，直指自己嘅「安安被偷了」，要求賊人「回頭是岸及早交回，不要為10多元犯法」。
網上流傳一段「天眼」影片，顯示上周六晚上時份，一名中年男子途經深水埗通州街一間車行門外時，垂涎一個掛在電單車上嘅熊貓掛飾。當時車行外有人在前方整理另一輛電單車，賊人一度前行，其間又回頭再檢視該熊貓掛飾，之後步行至街頭位置，並停下等候時機成熟，折返得手後便逃之夭夭。
有網民留言呼籲車主報警處理，又形容「睇嚟隻熊貓真係好可愛」。亦有網民直斥賊人「為個鎖匙扣偷嘢使唔使呀」、「幾十歲人，對隻公仔情有獨鍾」。
KellyChu
更多文章
