KellyChu - 西港城收藏家跳蚤市集 分享懷舊玩具飾物家品 | Executive日記
KellyChu
2024-12-09 02:00
字體大小
喺沒有智能手機嘅年代，玩具就係小朋友最佳玩伴。「幸福玩具店」店主莊慶輝搜集舊玩具超過30年，佢將連同本港多位經驗豐富嘅收藏家，喺上環逾百年歷史建築西港城，舉辦聖誕跳蚤市集，向大家分享香港玩具文化，同時帶嚟一趟精彩尋寶之旅。
莊慶輝同小妹介紹，佢哋今年只有舉辦聖誕跳蚤市集，沒有舉辦玩具展覽，因此攤檔比去年多咗一倍，有大約12檔。而各位檔主都係有超過20年以上經驗嘅收藏家，為大家帶嚟多款本港早期玩具，包括一些聖誕飾物、家庭用品、明信片等等，呢啲貨品都係早已消失於市面嘅寶物，機會難能可貴。
佢哋90年代已經開始喺西港城舉辦跳蚤市集和展覽，今年係復辦之後嘅第2年。莊慶輝分享，舉辦跳蚤市集唔單止係希望更多人認識香港玩具文化，更希望多些人留意西港城這幢逾百年嘅美麗建築。
問及有何精選貨品推介，莊表示眾多玩具中有一隻馬仔，那是在60年代時，影樓給小朋友用來拍照嘅馬仔。另外也可以看到一包包印有聖誕老人樣子嘅聖誕襪，襪裏有各式各種嘅小玩具。市集將於12月21、22、25、26、28及29日早上10點至下午6點舉行。
KellyChu
60年代影樓提供給小朋友拍照的馬仔。
早期玩具商推聖誕襪「福袋」，一次過滿足晒小朋友所有願望。
更多文章
